മുംബയ്: പ്രശസ്ത സിനിമ – സീരിയല് നടി സഞ്ജിത ഉഗാലയെ (22) വീട്ടില് മരിച്ച നിലയില് കണ്ടെത്തി. ഇന്നലെയാണ് നടിയെ മുംബയ് നളസോപാരയിലെ സ്വന്തം വീട്ടില് തൂങ്ങിമരിച്ച നിലയില് കണ്ടെത്തിയത്.
മരണകാരണം വ്യക്തമല്ലെന്ന് പൊലീസ് അറിയിച്ചു. നടിയുടെ അപ്രതീക്ഷിത വിയോഗത്തിന്റെ ഞെട്ടലിലാണ് ആരാധകർ. സംഭവദിവസം വൈകുന്നേരം ഏഴിനും ഏഴരയ്ക്കും ഇടയിലാണ് മരണം നടന്നതെന്ന് പൊലീസ് പറഞ്ഞു.
കിടപ്പുമുറിയില് സാരിയുപയോഗിച്ച് ഫാനില് തൂങ്ങിമരിക്കുകയായിരുന്നു. വീട്ടുകാർ ചേർന്ന് ആശുപത്രിയിലെത്തിച്ചെങ്കിലും മരണപ്പെട്ടതായി ഡോക്ടർമാർ സ്ഥിരീകരിച്ചു.
Whatsapp Group 1 | Whatsapp Group 2 |Telegram Group
കുങ്കുംഭാഗ്യയെന്ന സീരിയലിലൂടെയാണ് സഞ്ജിത പ്രശസ്തയായത്. സജൻ ഘർ, ദില്വാലി ദുല്ഹ ലേ ജായേഗി, വാഗ്ളെ കി ദുനിയ എന്നീ സീരിയലുകളിലെ കഥാപാത്രങ്ങളും ശ്രദ്ധിക്കപ്പെട്ടു.
വിക്കില് കൗശല് നായകനായ ഛാവ എന്ന സിനിമയിലെ വേഷവും കയ്യടി നേടിയിരുന്നു. സൈലൻസ് 2: ദി നൈറ്റ് ഔള് ബാർ ഷൂട്ടൗട്ട് എന്ന ചിത്രത്തിലും അഭിനയിച്ചു.
നടിയുടെ മരണത്തില് പൊലീസ് അന്വേഷണം ആരംഭിച്ചു. പോസ്റ്റുമോർട്ടം റിപ്പോർട്ട് ലഭിച്ചാല് മാത്രമേ കൂടുതല് വിവരങ്ങള് വ്യക്തമാവുകയുള്ളൂവെന്നും പൊലീസ് അറിയിച്ചു.
