അപകടത്തിൽപെട്ട കാറിൽ നിന്ന് 90 കുപ്പി മദ്യം പിടികൂടി പൊലീസ് ; മാഹിയില്‍ നിന്ന് കടത്തുകയായിരുന്ന മദ്യമാണ് പിടികൂടിയത്; പ്രതികള്‍ ഓടി രക്ഷപ്പെട്ടു

കണ്ണൂര്‍: കണ്ണപുരം യോഗശാലക്ക് സമീപത്ത് അപകടത്തില്‍പ്പെട്ട കാറില്‍ നിന്ന് 90 കുപ്പി മദ്യം പിടികൂടി.

മാഹിയില്‍ നിന്ന് കടത്തുകയായിരുന്ന മദ്യമാണ് പിടികൂടിയത്. ഇന്നലെ രാത്രിയായിരുന്നു സംഭവം. പ്രതികള്‍ ഓടി രക്ഷപ്പെട്ടു. കണ്ണപുരം യോഗശാലയില്‍ വച്ചാണ് അപകടമുണ്ടായത്.

ചെറുകുന്ന് തറയില്‍ നിന്നും ഇരിണാവിലേക്ക് പോകുന്ന കാറില്‍ അമിതവേഗതയില്‍ കണ്ണൂര്‍ ഭാഗത്ത് നിന്ന് കാഞ്ഞങ്ങാട് ഭാഗത്തേക്ക് പോകുന്ന കാര്‍ ഇടിക്കുകയായിരുന്നു.

പൊലീസെത്തിയ ഉടന്‍ കാറിലുണ്ടായിരുന്നവര്‍ താക്കോലെടുത്ത് ഇറങ്ങിയോടി. തുടര്‍ന്ന് പൊലീസ് സംശയം തോന്നി കാര്‍ പരിശോധിക്കുകയായിരുന്നു. തുടര്‍ന്നാണ് മദ്യം കണ്ടെത്തിയത്.