ഹാന്‍ഡ് ബ്രേക്ക് ഇടാന്‍ മറന്നു; കാര്‍ റോഡ് മുറിച്ച് നീങ്ങി ഓടയില്‍ വീണു; തിരക്കുള്ള റോഡില്‍ വന്‍ദുരന്തം ഒഴിവായത് തലനാരിഴയ്ക്ക്; സംഭവം കളത്തിപ്പടി ക്യൂആര്‍എസിന് സമീപം

സ്വന്തം ലേഖകന്‍

കോട്ടയം: ഹാന്‍ഡ് ബ്രേക്ക് ഇടാന്‍ മറന്നതിനെത്തുടര്‍ന്ന് കാര്‍ തനിയെ ഉരുണ്ട് ഓടയില്‍ വീണു. ഇന്ന് രാവിലെ കളത്തിപ്പടി ക്യൂആര്‍എസ് ഷോപ്പിന് സമീപമാണ് സംഭവം. കളത്തിപ്പടിയിലുള്ള സുഗുണാ സൂപ്പര്‍മാറ്റില്‍ എത്തിയ കസ്റ്റമറുടെ കാറാണ് അപകടത്തില്‍പ്പെട്ടത്.

പാര്‍ക്കിംഗ് ഏരിയയില്‍ വണ്ടി നിര്‍ത്തിയ ശേഷം കടയ്ക്കുള്ളിലേക്ക് പോയതായിരുന്നു കസ്റ്റമര്‍. ഹാന്‍ഡ് ബ്രേക്ക് ഇടാന്‍ മറന്നുപോയി. ഈ സമയത്താണ് കാര്‍ ഉരുണ്ട് ഗോകുലം ഫ്‌ളാറ്റിന് സമീപത്തുള്ള ഓടയിലേക്ക് വീണത്. തിരക്കുള്ള റോഡില്‍ തലനാരിഴയ്ക്കാണ് വന്‍ദുരന്തം ഒഴിവായത്. കാറിന് സാരമായ കേടുപാടുകളുണ്ട്.