കൊടുവള്ളിയിൽ ബൈക്ക് നിയന്ത്രണം വിട്ട് ഇലക്ട്രിക് പോസ്റ്റിൽ ഇടിച്ച് രണ്ട് പേർ വെന്തു മരിച്ചു

കോഴിക്കോട് : കൊടുവള്ളിയിൽ ബൈക്ക് നിയന്ത്രണം വിട്ട് ഇലക്ട്രിക് പോസ്റ്റിൽ ഇടിച്ച് രണ്ട് പേർ വെന്തു മരിച്ചു.ബൈക്ക് പൂർണമായും കത്തി നശിച്ചു.

സൗത്ത് കൊടുവള്ളിയിൽ ഞാറാഴ്ച്ച പുലർച്ചെ 4.45 ഓടെയാണ് അപകടം നടന്നത്.മരിച്ചവരെ തിരിച്ചറിഞ്ഞിട്ടില്ല, മൃതദേഹങ്ങൾ കത്തികരിഞ്ഞ നിലയിലായിരുന്നു.

അപകട സ്ഥലത്ത് നിന്ന് മൊബൈല്‍ ഫോണ്‍ കണ്ടെത്തിയിട്ടുണ്ട്.സംഭവത്തില്‍ പൊലീസ് അന്വേഷണം ആരംഭിച്ചു.മൃതദേഹങ്ങൾ കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി.