ഭാര്യയോട് ഫോണിൽ സംസാരിക്കവേ വീട്ടുമുറ്റത്തെ കിണറ്റിൽ വീണു..! ബസ് ഡ്രൈവർക്ക് ദാരുണാന്ത്യം

സ്വന്തം ലേഖകൻ

പെരുമ്പാവൂര്‍: വീട്ടുമുറ്റത്തെ കിണറ്റിൽ വീണ് യുവാവിന് ദാരുണാന്ത്യം. ഐമുറി മദ്രാസ് കവല വാഴയില്‍ വീട്ടില്‍ മനീഷ് (മനു-35) ആണ് മരിച്ചത്.

വെള്ളിയാഴ്ച രാത്രി 9നായിരുന്നു സംഭവം.കിണറിന്റെ വക്കത്തിരുന്നു ഭാര്യയുമായി ഫോണില്‍ സംസാരിക്കുന്നതിനിടയിലാണ് അപകടം.

ഭാര്യ ഒരാഴ്ചയായി സ്വന്തം വീട്ടിലായിരുന്നു. സംസാരത്തിനിടെ ഫോണ്‍ നിലച്ചതോടെ ഭാര്യ പല പ്രാവശ്യം തിരികെ വിളിച്ചു. ഫോണിൽ കിട്ടാതെ വന്നതോടെ ഇവർ അയല്‍വാസികളെ വിവരം അറിയിച്ചു.

ഇവരുടെ അന്വേഷണത്തിലാണ് മനീഷിനെ കിണറ്റില്‍ വീണ നിലയില്‍ കണ്ടത്. ആലുവ – കോതമംഗലം റൂട്ടിലോടുന്ന യാത്രാസ് ബസിലെ ഡ്രൈവറാണ്.

ഭാര്യ: മഴുവന്നൂര്‍ നെടുമറ്റത്തില്‍ കവിതമോള്‍. മകള്‍: ആയില്യ.