ആഭരണ നിർമ്മാണ സ്ഥാപനത്തിന്റെ ഭിത്തി തുരന്ന് കവർച്ചാശ്രമം

സ്വന്തം ലേഖിക

തളിപ്പറമ്പ്: കരിമ്പത്ത് താലൂക്ക് ആസ്പത്രിക്കുസമീപത്തെ സൗപർണിക ജൂവലറി വർക്‌സിന്റെ ചുമർ തുരന്ന് കവർച്ചാശ്രമം നടന്നു. കെട്ടിടത്തിന്റെ പിറകിലെ ചുമർ കുത്തിത്തുരന്നാണ് മോഷ്ടാവ് അകത്തുകയറിയത്.

മുറിയിലെ സാധനങ്ങൾ വാരിവലിച്ചിട്ട് പരിശോധിച്ചിരുന്നു. ചവനപ്പുഴ പുതിയകണ്ടത്തെ കെ.വി.നന്ദകുമാറിന്റെ ഉടമസ്ഥതയിലുള്ളതാണ് ആഭരണ നിർമാണ സ്ഥാപനം.

സമീപത്തെ മറ്റൊരുകച്ചവടക്കാരനാണ് ചുമർതുരന്നനിലയിൽ കണ്ടത്. ആറ്് കല്ലുകൾ നീക്കിയാണ് മോഷ്ടാവ് അകത്തുകടന്നത്. സ്വർണാഭരണങ്ങളൊന്നും നഷ്ടപ്പെട്ടിട്ടില്ല. പോലീസ് പരിശോധന നടത്തി.