തിരുവനന്തപുരം: സ്ത്രീകള്ക്കും പെണ്കുട്ടികള്ക്കും ക്രിക്കറ്റ് പരിശീലനം നല്കാൻ വനിതാ കോച്ചിനെ നിയമിക്കണമെന്ന് സംസ്ഥാന മനുഷ്യാവകാശ കമ്മീഷൻ ചെയർപേഴ്സണ് ജസ്റ്റിസ് അലക്സാണ്ടർ തോമസ് കേരള ക്രിക്കറ്റ് അസോസിയേഷന് (കെസിഎ) നിർദ്ദേശം നല്കി.
കെസിഎയുടെ കീഴില് ക്രിക്കറ്റ് പഠിക്കാൻ വരുന്ന പെണ്കുട്ടികളെ പരിശീലകൻ ലൈംഗികമായി ഉപദ്രവിക്കുകയും അപമര്യാദയായി പെരുമാറുകയും ചെയ്യുകയാണെന്ന പത്രവാർത്തയുടെ അടിസ്ഥാനത്തില് സ്വമേധയാ രജിസ്റ്റർ ചെയ്ത കേസിലാണ് ഉത്തരവ്.
സ്ത്രീകള്ക്കും പെണ്കുട്ടികള്ക്കും പരിശീലനം നല്കാൻ വനിതാ കോച്ച് ലഭ്യമല്ലാത്ത സാഹചര്യത്തില് പരിശീലനം നടക്കുന്ന സമയം മുതിർന്ന ഉദ്യോഗസ്ഥയുടെ സാന്നിദ്ധ്യം ഉറപ്പാക്കണമെന്ന് ഉത്തരവില് പറഞ്ഞു.
Whatsapp Group 1 | Whatsapp Group 2 |Telegram Group
പരിശീലനത്തിനെത്തുന്ന സ്ത്രീകളും പെണ്കുട്ടികളും വസ്ത്രം മാറുന്ന മുറികളില് പുരുഷന്മാർക്ക് പ്രവേശനം പൂർണമായും നിഷേധിക്കണം. ആവശ്യമെങ്കില് മുന്നറിയിപ്പ് ബോർഡ് സ്ഥാപിക്കണം.
പരിശീലനത്തിനെത്തുന്ന പെണ്കുട്ടികളുടെ മാതാപിതാക്കളെ അവർ താല്പര്യപ്പെട്ടാല് പരിശീലന സ്ഥലത്ത് തുടരാൻ അനുവദിക്കണം.
