തിരുവനന്തപുരം: ഒരു ചിരിയുള്ള നോവായി കടന്നുപോയ പ്രിയ സുഹൃത്തിന് പ്രണാമമെന്ന് എഐസിസി ജനറല് സെക്രട്ടറി കെ.സി. വേണുഗോപാല്.
സ്കൂളില് പഠിക്കുന്ന കാലത്ത്, ഒരാള്ക്ക് കഴുത്തില് മാലയിടാനുണ്ടെന്ന് പറഞ്ഞ് തന്നെ അച്ഛൻ കൂട്ടിക്കൊണ്ടുപോയ കഥ സലിം എന്നും ഓർത്തുപറയാറുണ്ട്. മാലയിടുമ്പോള് തന്റെ കവിളില് തലോടിയ കൈകള് സാക്ഷാല് കെ കരുണാകരന്റേതായിരുന്നുവെന്ന് പില്ക്കാലം ബോധ്യപ്പെടുത്തിയപ്പോള്, അടിമുടി കോണ്ഗ്രസുകാരനായ സലിം കുമാർ കൂടി ജനിക്കുകയായിരുന്നുവെന്നാണ് കെ സി വേണുഗോപാല് ഫേസ്ബുക്ക് കുറിപ്പില് വിശദമാക്കുന്നത്.
കോണ്ഗ്രസുകാരനായതിന്റെ പേരില് മാത്രം വന്നുചേരാത്ത ഒന്നിനെയും നഷ്ടങ്ങളായി കാണാത്ത ധൈര്യത്തിന്റെ കൂടി പേരായിരുന്നു സലിം കുമാർ. ലീഡറുടെ ശേഷിപ്പുകള് ഉള്ളില്പ്പേറിയ കോണ്ഗ്രസുകാരൻ. വ്യക്തിപരമായി ഹൃദയബന്ധമുണ്ടായിരുന്ന മനുഷ്യനാണ്.
Whatsapp Group 1 | Whatsapp Group 2 |Telegram Group
കുടുംബ വിശേഷവും സിനിമാ വിശേഷവും രാഷ്ട്രീയവും ഒരേ നിലയില് ചർച്ച ചെയ്യുന്ന സൗഹൃദമായിരുന്നു.
നിയമസഭാ തെരഞ്ഞെടുപ്പ് കാലത്തും ഓടിനടന്ന് കോണ്ഗ്രസിനായി പ്രചാരണം നടത്തിയ സലിം ഞങ്ങളുടെയൊക്കെ ഹൃദയത്തില് തന്നെ ജീവിക്കും, എക്കാലവും.
മകൻ ചന്തുവുമായുള്ള ബന്ധവും സലീമില് നിന്ന് തുടങ്ങിയതാണ്. പക്ഷേ, അതിന് തുടക്കമേയുള്ളൂ, അവസാനമില്ല, സലീമിന്റെ തമാശകള് പോലെ. ഒരു ചിരിയുള്ള നോവായി കടന്നുപോയ പ്രിയ സുഹൃത്തിന് മുന്നില് പ്രണാമം.
