കോട്ടയം തിരുവാർപ്പിൽ മധ്യവയസ്കനെ വടിവാളിന് വെട്ടിക്കൊന്നു: പ്രതി പിടിയിൽ

കുമരകം: തിരുവാർപ്പ് കാഞ്ഞിരത്ത്
വടിവാളിന് വെട്ടേറ്റയാൾ മരിച്ചു.
കാഞ്ഞിരം പത്തൊൻപതിൽ ചിറയിൽ മുരുകൻ (54) ആണ് മരിച്ചത്. പ്രതി തിരുവാർപ്പ് കോതമംഗലം ഭാഗം കിളിരൂർ കരയിൽ കളപ്പൂരത്തറ വീട്ടിൽ കെ. രഞ്ജിനെ കുമരകം പോലീസ് പിടികൂടി.

Link

Embed

Copy and paste this HTML code into your webpage to embed.

ഇന്നലെ പുലർച്ചെയാണ് സംഭവം. വെട്ടേറ്റ് ഗുരുതരമായി പരിക്കേറ്റ മുരുകനെ കോട്ടയം മെഡിക്കൽ കോളജിൽ പ്രവേശിപ്പിച്ചിരിക്കുകയായിരുന്നു. ഇന്നു പുലർച്ചെയാണ് മരിച്ചത്.

പ്രതി കെ.രഞ്ജിനെ മദ്യലഹരിയിൽ ഭീഷണി മുഴക്കുകയും, അസഭ്യം പറയുകയും ചെയ്തതിന് കുമരകം പോലീസ് കസ്റ്റഡിയിലെടുത്തു വിട്ടയച്ചതാണ്.

അതിന് ശേഷമാണ് വെട്ടിയത്. ഇരുവരും ബി ജെ പി പ്രവർത്തകരാണ്. രാഷ്ട്രീയ അഭിപ്രായ ഭിന്നതയാണ് പ്രശ്നങ്ങൾക്ക് കാരണമെന്ന് പോലീസ് പറയുന്നു. പ്രതിയെ ചോദ്യം ചെയ്തു വരികയാണ്.