ആലപ്പുഴ ബൈപ്പാസിൽ ബൈക്കും കാറും കൂട്ടിയിടിച്ച് അപകടം; മേൽപ്പാലത്തിൽ നിന്ന് താഴേക്ക് തെറിച്ചുവീണ് യുവാവ് മരിച്ചു

ആലപ്പുഴ: ആലപ്പുഴ ബൈപ്പാസിൽ കുതിരപ്പന്തി ഭാഗത്തുണ്ടായ വാഹനാപകടത്തിൽ ബൈക്ക് യാത്രികനായ യുവാവിന് ദാരുണാന്ത്യം. മുഹമ്മ സ്വദേശി മുഹമ്മദ് ഷാഫി ആണ് മരിച്ചത്.

Link

Embed

Copy and paste this HTML code into your webpage to embed.

കാറും ബൈക്കും തമ്മിൽ കൂട്ടിയിടിച്ചായിരുന്നു അപകടം. ഇടിയുടെ കടുത്ത ആഘാതത്തിൽ മുഹമ്മദ് ഷാഫി ബൈപ്പാസ് മേൽപ്പാലത്തിൽ നിന്നും താഴേക്ക് തെറിച്ചുവീഴുകയായിരുന്നു.

ഗുരുതരമായി പരിക്കേറ്റ ഇദ്ദേഹത്തെ ഉടൻ തന്നെ വണ്ടാനം മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ഒരു വർഷം മുൻപ് മുഹമ്മദ് ഷാഫിയുടെ സഹോദരൻ സമീറും ബംഗളൂരുവിൽ വെച്ചുണ്ടായ ഒരു വാഹനാപകടത്തിൽ മരണപ്പെട്ടിരുന്നു.