കണമല: പമ്പാവാലിയിൽ കോൺഗ്രസ് പ്രവർത്തകർ പന്തം കൊളുത്തി പ്രകടനം നടത്തി. പ്രതിപക്ഷ നേതാവായിരിക്കെ വി.ഡി. സതീശൻ നടത്തിയ ശക്തമായ പ്രവർത്തനമാണ് യുഡിഎഫ് വമ്പൻ വിജയം നേടിയതെന്നും അത് മറക്കരുതെന്നുമുള്ള മുദ്രാവാക്യങ്ങൾ മുഴക്കി സതീശന്റെ ചിത്രമുള്ള കട്ട്ഔട്ടറും പോസ്റ്ററുകളുമായിട്ടായിരുന്നു പ്രകടനം.
കഴിഞ്ഞ ദിവസം രാത്രിയിൽ പമ്പാവാലി അഴുതമുന്നി ജംഗ്ഷനിൽ നിന്നാണ് പ്രകടനം ആരംഭിച്ചത്. കോൺഗ്രസ് ബ്ലോക്ക് ജനറൽ സെക്രട്ടറി മാത്യു ജോസഫ്, ബിജു കായപ്ലാക്കൽ, ജെയിംസ് ആലപ്പാട്ട്, ഷൈൻ അരീപ്പുറത്ത് എന്നിവർ പ്രസംഗിച്ചു.
മുമ്പ് പമ്പാവാലിയിലെ ബഫർ സോൺ, പട്ടയ വിഷയങ്ങളിൽ വി.ഡി. സതീശൻ ഇടപെടുകയും പ്രദേശത്ത് എത്തി ജനകീയ സമരത്തിന്റെ ഉദ്ഘാടനം നിർവഹിച്ചതുമാണ്.
Whatsapp Group 1 | Whatsapp Group 2 |Telegram Group
ഈ സമര പരിപാടിയ്ക്കിടെ പോലീസെത്തി പ്രവർത്തകർക്ക് സമൻസ് നൽകാൻ ശ്രമിച്ചത് വി.ഡി. സതീശൻ തടഞ്ഞിരുന്നു. ഇത് അന്ന് ഏറെ ശ്രദ്ധേയമായ വാർത്തയായി മാറിയിരുന്നു.
