ജമ്മു: പശ്ചിമ ബംഗാളിലെ ഓരോ ബിജെപി പ്രവർത്തകനും വർഷങ്ങളായി തങ്ങളുടെ വിജയത്തിനായി കാത്തിരിക്കുകയാണ്.
പശ്ചിമ ബംഗാളില് പാർട്ടി നേടിയ ചരിത്ര വിജയത്തിന്റെ സ്മരണയ്ക്കായി പ്രധാനമന്ത്രി നരേന്ദ്ര മോദിക്ക് സമ്മാനിക്കാൻ ജമ്മുവിലെ ബിജെപി പ്രവർത്തകനും രത്നവ്യാപാരിയുമായ റിങ്കു ചൗഹാൻ ഒരു വെള്ളി താമര നിർമ്മിച്ചു.
“ബംഗാളില് താമര വിരിയാൻ” 15 വർഷം കാത്തിരുന്നതായി റിങ്കു ചൗഹാൻ വിശദീകരിച്ചു. രണ്ട് മാസം രാവും പകലും പ്രവർത്തിച്ചാണ് ഈ വെള്ളി താമര നിർമ്മിച്ചത് , മൂന്ന് കിലോഗ്രാം വെള്ളിയിലാണ് ബിജെപിയുടെ പാർട്ടി ചിഹ്നമായ താമര ഉണ്ടാക്കിയിരിക്കുന്നത്.
Whatsapp Group 1 | Whatsapp Group 2 |Telegram Group
“ഈ വെള്ളി താമര എന്നെപ്പോലുള്ള ബിജെപി പ്രവർത്തകരുടെ ദൃഢനിശ്ചയത്തെയും സമർപ്പണത്തെയും പ്രതീകപ്പെടുത്തുന്നു. ഈ വിജയത്തിന് പിന്നിലെ പ്രചോദനമായ പ്രധാനമന്ത്രി മോദിക്ക് പ്രത്യേകമായി എന്തെങ്കിലും സമ്മാനിക്കാൻ ഞങ്ങള് ആഗ്രഹിച്ചു. അത്തരമൊരു സാഹചര്യത്തില്, ബിജെപിയുടെ പാർട്ടി ചിഹ്നത്തേക്കാള് മികച്ചതായി മറ്റൊന്നില്ല.” ചൗഹാൻ പറഞ്ഞു.
അതേസമയം തന്റെ ഭർത്താവ് ഇതിന്റെ നിർമ്മാണത്തിനിടെ ആഹാരം പോലും കഴിക്കാൻ പലപ്പോഴും മറന്നിട്ടുണ്ടെന്ന് റിങ്കുവിന്റെ ഭാര്യ അഞ്ജലി ചൗഹാൻ പറഞ്ഞു.. ‘ ഓരോ ചെറിയ കാര്യത്തിലും റിങ്കു തന്റെ ഹൃദയം അർപ്പിച്ചതെങ്ങനെയെന്ന് അവർ വിവരിക്കുന്നു.
പശ്ചിമ ബംഗാളില് പാർട്ടി നേടിയ ശ്രദ്ധേയമായ വിജയത്തിന്റെ സ്മരണയ്ക്കായി പ്രധാനമന്ത്രിയുടെ വസതിയിലോ ബിജെപിയുടെ ഡല്ഹി ആസ്ഥാനത്തോ മോദിജി ഈ വെള്ളി താമര സ്ഥാപിക്കുമെന്ന് ചൗഹാൻ ഇപ്പോള് പ്രതീക്ഷിക്കുന്നു.
