ഏറ്റവും കൂടുതല് ക്യാൻസർ ബാധിക്കുന്നത് സ്ത്രീകള്ക്കാണെന്ന് ഐസിഎംആർ റിപ്പോർട്ട്. ഇന്ത്യൻ കൗണ്സില് ഓഫ് മെഡിക്കല് റിസർച്ചിന്റെ നാഷണല് സെന്റർ ഫോർ ഡിസീസ് ഇൻഫോർമാറ്റിക്സ് ആൻഡ് റിസർച്ച് (ഐസിഎംആർ-എൻസിഡിഐആർ) പ്രസിദ്ധീകരിച്ച പഠനത്തിലാണ് ഇതിനെ കുറിച്ച് പറയുന്നത്.
പുരുഷന്മാരില് ഉണ്ടാകുന്ന അപകടസാധ്യത കുറവാണെങ്കിലും ഇത് വളരെയധികം ആശങ്കാജനകമാണ്. തെലങ്കാനയിലെ ജനസംഖ്യയുടെ വലിയൊരു ഭാഗത്തിന് ക്യാൻസർ ഇനി ഒരു വിദൂര സാധ്യതയല്ലെന്നാണ് കണക്കുകള് വ്യക്തമാക്കുന്നത്. 2026 – ല് തെലങ്കാനയില് മുതിർന്നവരില് 46,762 പുതിയ ക്യാൻസർ കേസുകള് റിപ്പോർട്ട് ചെയ്യപ്പെടുമെന്നും 2030 ആകുമ്പോഴേക്കും ഇത് 47,314 ആയി ഉയരുമെന്നും റിപ്പോർട്ടില് പറയുന്നു.
രാജ്യത്ത് ക്യാൻസർ കേസുകള് ക്രമാനുഗതമായി വർദ്ധിച്ചുകൊണ്ടിരിക്കുകയാണ്. ഈ സാഹചര്യം പരിഹരിക്കുന്നതിന് നേരത്തെയുള്ള കണ്ടെത്തല്, പൊതുജന അവബോധം എന്നിവ നിർണായകമാണെന്ന് നിംസ് ഡയറക്ടർ ഡോ ബീരപ്പ നഗരി പറയുന്നു.
Whatsapp Group 1 | Whatsapp Group 2 |Telegram Group
സ്ത്രീകളില് സ്തനാർബുദമാണ് ഏറ്റവും കൂടുതലായി ബാധിക്കുന്നത്. എന്നാല് പുരുഷന്മാരില് വായിലെ ക്യാൻസറും കൂടുതലായി ബാധിക്കുന്നു. സ്ത്രീകള് നേരിടുന്ന ഏറ്റവും വലിയ ഭീഷണി സ്തനാർബുദമാണെന്ന് റിപ്പോർട്ട് കണ്ടെത്തി. 36.2 ശതമാനം റിപ്പോർട്ട് ചെയ്തു. തുടർന്ന് സെർവിക്കല് ഗർഭാശയ ക്യാൻസർ 8.1% ഉം അണ്ഡാശയ കാൻസർ 6.6 ശതമാനവും റിപ്പോർട്ട് ചെയ്യുന്നു.
പുരുഷന്മാരില്, ഓറല് കാവിറ്റി ക്യാൻസർ 21.7% ഉം, ശ്വാസകോശ ക്യാൻസർ 10.5% ഉം, വൻകുടല് കാൻസർ 7.9% ഉം ആണ്. സ്ത്രീകളിലെ ക്യാൻസർ കേസുകളില് മൂന്നിലൊന്നില് കൂടുതല് സ്തനാർബുദം മൂലമാണെങ്കിലും, 30 നും 49 നും ഇടയില് പ്രായമുള്ള സ്ത്രീകളില് 0.3% പേർ മാത്രമേ സ്തന പരിശോധനയ്ക്ക് വിധേയരായിട്ടുള്ളൂ.
സെർവിക്കല് ക്യാൻസർ സ്ക്രീനിംഗ് വളരെ മികച്ചതാണ്. 3.3% സ്ത്രീകള് മാത്രമേ പരിശോധനയ്ക്ക് വിധേയരായിട്ടുള്ളൂ. ഓറല് ക്യാൻസറിന്, സ്ത്രീകള്ക്ക് 2.5% ഉം പുരുഷന്മാർക്ക് 2.6% ഉം ആണ് കണക്കുകള്. ആരോഗ്യകരമായ ജീവിതശൈലി, പതിവ് ആരോഗ്യ പരിശോധനകള്, സ്ക്രീനിംഗ് പ്രോഗ്രാമുകള് എന്നിവ ക്യാൻസർ പ്രതിരോധത്തില് നിർണായക പങ്ക് വഹിക്കുന്നുതായി റിപ്പോർട്ടില് പറയുന്നു.
ലോകമെമ്പാടുമുള്ള സ്ത്രീകള്ക്കിടയില് സ്തനാർബുദ നിരക്ക് വർദ്ധിച്ചുവരുന്നുണ്ട്. മാറുന്ന ജീവിതശൈലിയും ഭക്ഷണക്രമവും, ഹോർമോണ് വ്യതിയാനകളുമാണ് ഇതിന് കാരണമായി പറയുന്നത്. വേദനയില്ലാത്ത മുഴകളാണ് സ്തനാർബുദത്തിന്റെ ആദ്യ ലക്ഷണം, സ്തനങ്ങളുടെ വലുപ്പത്തിലോ ആകൃതിയിലോ വരുന്ന മാറ്റം, നിപ്പിള് ഉള്വലിയുക, തൊലിപ്പുറത്തെ നിറവ്യത്യാസം, ഡിസ്ചാർജ് എന്നിവയെല്ലാം ബ്രെസ്റ്റ് ക്യാൻസറിന്റെ ലക്ഷണങ്ങളാണ്.
