പുനലൂര്: ‘നീ പാര്ട്ടിയുടെ സ്വത്താണ്. നീ ചെയ്യുന്ന ത്യാഗത്തിന് നിനക്ക് പ്രതിഫലം കിട്ടും.’-വിമത നീക്കം ഉപേക്ഷിച്ച് തിരിച്ചെത്തിയ മുന് യൂത്ത് കോണ്ഗ്രസ് സംസ്ഥാന സെക്രട്ടറിയെ കെട്ടിപ്പിടിച്ച് എഐസിസി ജനറല് സെക്രട്ടറി കെ സി വേണുഗോപാല് എംപി പറഞ്ഞു.
പുനലൂരില് യുഡിഎഫ് സ്ഥാനാര്ത്ഥിക്കെതിരെ വിമത സ്ഥാനാര്ത്ഥിയായി മത്സരിക്കാന് ഒരുങ്ങിയിരുന്ന അഡ്വ. എസ്.ഇ സഞ്ജയ് ഖാനെ അടൂരില്വെച്ച് കണ്ടപ്പോഴാണ് കെസി വേണുഗോപാല് കെട്ടിപ്പിടിച്ച് ആശ്വസിപ്പിച്ചത്.
സഞ്ജയ് വിമത സ്ഥാനാര്ത്ഥിയാവുമെന്ന വാര്ത്ത അറിഞ്ഞാണ് കെ സി വേണുഗോപാല് സ്ഥലത്തെത്തിയത്.
Whatsapp Group 1 | Whatsapp Group 2 |Telegram Group
‘സഞ്ജയ്, നീ ഏറ്റവും നല്ല സ്ഥാനാര്ഥിയായിരുന്നു. മത്സരിച്ചിരുന്നെങ്കില് ഉറപ്പായും വിജയം ഉണ്ടായേനെ. നിന്റെ സ്ഥാനാര്ത്ഥിത്വത്തിന് വേണ്ടി ഞാന് അടക്കം നിരവധി പേര് ശ്രമിച്ചതാണ്. എന്നാല് പാര്ട്ടിയുടെ ആവശ്യമാണ് ഇപ്പോള് മുന്ഗണന. ഹൃദയത്തില് പാര്ട്ടി ഉള്ളിടത്തോളം ഈ പോരാട്ടത്തില് കൂടെയുണ്ടാകണം’-എന്നായിരുന്നു അദ്ദേഹത്തിന്റെ വാക്കുകള്.
