മലപ്പുറം: മലപ്പുറത്ത് വൻ ലഹരിവേട്ട. 40 ഗ്രാം എംഡിഎംഎ യുമായി യുവാവ് അറസ്റ്റിൽ. ഇന്നലെ രാത്രി 9.00 മണിയോടെ വഴിക്കടവ് ആനമറിയില് നടത്തിയ പരിശോധനയിലാണ് പ്രതി പിടിയിലായത്.
മൂത്തേടം കാരപുറം സ്വദേശി ലിജു എബ്രഹാമിനെയാണ് വഴിക്കടവ് പൊലീസ് അറസ്റ്റ് ചെയ്തത്. ലഹരി സംഘങ്ങള്ക്കിടയില് മുരുകന് എന്ന അപരനാമത്തില് അറിയപ്പെടുന്ന പ്രതി ബാംഗ്ലൂരില് നിന്ന് ജില്ലയിലേക്ക് നേരിട്ട് രാസലഹരി എത്തിക്കുന്ന സംഘത്തിലെ പ്രധാനിയാണ്. എംഡിഎംഎ ലഭിച്ച ഉറവിടത്തെ കുറിച്ച് പൊലീസ് അന്വേഷണം ആരംഭിച്ചു.
