തിരുവനന്തപുരം: സിറ്റി ബസ് വിവാദത്തില് തിരുവനന്തപുരം മേയർ വിവി രാജേഷിന് മറുപടിയുായി ഗതാഗത വകുപ്പ് മന്ത്രി കെ ബി ഗണേഷ് കുമാർ.
താൻ പറയുന്ന കാര്യങ്ങള് വളച്ചൊടിക്കാൻ ശ്രമിക്കരുതെന്നും അദ്ദേഹം വ്യക്തമാക്കി. കോർപ്പറേഷൻ ബസുകള് വാങ്ങിയത് കേന്ദ്ര പദ്ധതിയില് എന്ന് പറയാൻ കഴിയില്ല, സ്റ്റേറ്റ് ഷെയർ 500 കോടിയാണ്. 60% വിഹിതവും സംസ്ഥാനത്തിന്റേതാണ്.
113 വാഹനങ്ങളും കോർപ്പറേഷൻ ഈ രീതിയില് വാങ്ങിയതാണ്. മൂന്നു പാർട്ടികളുമായുള്ള എഗ്രിമെന്റാണ്. കോർപ്പറേഷനിലെ കെഎസ്ആർടിസി വേറൊരു ജില്ലയിലും ഓടുന്നില്ല. സങ്കീർണമായ മെയിന്റനന്സ് ഉള്ളതുകൊണ്ട് മറ്റൊരു ജില്ലയില് നിലവില് ഓടിക്കുന്നില്ല. ബാറ്ററി നശിച്ചാല് മാറ്റിവയ്ക്കാൻ 28 ലക്ഷം രൂപ വേണം. തിരുവനന്തപുരം മേയർ 113 ബസുകളും തങ്ങള്ക്ക് വേണമെന്ന് ആവശ്യപ്പെട്ടാല് 24 മണിക്കൂറിനുള്ളില് തിരിച്ചയയ്ക്കും.
സിഎംഡിക്ക് ഒരു കത്ത് കൊടുത്താല് മാത്രം മതി. പകരം 150 ബസ് കെഎസ്ആർടിസി സിറ്റിയില് ഇറക്കും. കോർപ്പറേഷന് വണ്ടികള് കൊടുത്താല് കെഎസ്ആർടിസിയുടെ സ്ഥലത്ത് ഇടാൻ സമ്മതിക്കില്ല. ഈ വിഷയവുമായി ബന്ധപ്പെട്ട് മേയർ തന്നോട് സംസാരിച്ചിട്ടില്ല. മേയറിനെ ആരോ തെറ്റ് ധരിപ്പിച്ചതാണ്. വാഹനങ്ങള് സന്തോഷത്തോടെ തിരികെ കൊടുക്കാൻ തയ്യാറാണ്. ഡ്രൈവറും വർക് ഷോപ്പും കണ്ടക്ടറും എല്ലാം കെഎസ്ആർടിസിയുടെതാണ് എന്നും മന്ത്രി വിശദീകരിച്ചു.
Whatsapp Group 1 | Whatsapp Group 2 |Telegram Group
ഇ-ബസുകള് നഗരത്തില് മാത്രം ഓടിയാല് മതിയെന്നും ഇ-ബസുകള് ഉടൻ തിരിച്ചെത്തിക്കണമെന്നും തിരുവനന്തപുരം മേയർ വിവി രാജേഷ് കഴിഞ്ഞ ദിവസം പറഞ്ഞിരുന്നു. രാഷ്ട്രീയ സമ്മർദം കാരണം മറ്റ് സ്ഥലങ്ങളില് ഓടിക്കുകയാണെന്നും നഗരത്തിന് പുറത്തേക്ക് നല്കിയ ബസുകള് ഉടൻ തിരിച്ചെത്തിക്കണം. കോർപ്പറേഷന് കൃത്യമായി ലാഭവിഹിതം കിട്ടണമെന്നും മേയർ പറഞ്ഞു.
കരാർ മാറ്റാൻ ഒന്നോ രണ്ടോ വ്യക്തികള്ക്ക് അധികാരമില്ല. ബസുകള് കേന്ദ്രം തിരുവനന്തപുരം കോർപ്പറേഷന് നല്കിയതാണ്. കോർപ്പറേഷന് കിട്ടിയത് കോർപ്പറേഷനിലുളളവർക്ക് ഉപകാരപ്പെടണമെന്നും കെഎസ്ആർടിസിയുമായുള്ള കരാർ രേഖകള് പരിശോധിക്കുമെന്നും വിവി രാജേഷ് പറഞ്ഞു.
