മുണ്ടക്കയം: കോരുത്തോട് അയ്യപ്പഭക്തനെ ക്രൂരമായി മർദ്ദിച്ച സംഭവത്തിൽ യുവാവ് മുണ്ടക്കയം പോലീസിന്റെ പിടിയിൽ.
നെല്ലിക്കാനത്ത് ഷൈമോൻ ആണ് പിടിയിലായത്. കുഴിമാവിൽ വിശ്രമിക്കുകയായിരുന്ന തിരുവനന്തപുരം സ്വദേശിയായ അയ്യപ്പ ഭക്തനെ ഷൈമോൻ ക്രൂരമായി മർദ്ദിക്കുകയായിരുന്നു.
ബഹളം കേട്ട് ഓടിക്കൂടിയ നാട്ടുകാരാണ് സ്വാമിയെ രക്ഷപ്പെടുത്തി മുണ്ടക്കയം മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ചത്.
Whatsapp Group 1 | Whatsapp Group 2 |Telegram Group
സംഭവമറിഞ്ഞ് ഉടൻ സ്ഥലത്തെത്തിയ പോലീസ് പ്രതിയെ കസ്റ്റഡിയിലെടുത്തു. എന്നാൽ പോലീസ് ജീപ്പിൽ നിന്നും ഇറക്കുന്നതിനിടെ പ്രതി പോലീസിനെ വെട്ടിച്ച് ഓടി രക്ഷപെടാൻ ശ്രമിച്ചത് നാടകീയ രംഗങ്ങൾക്കിടയാക്കി. തുടർന്ന് പോലീസും നാട്ടുകാരും ചേർന്ന് നടത്തിയ തെരച്ചിലിനൊടുവിലാണ് ഇയാളെ വീണ്ടും പിടികൂടിയത്.
മുണ്ടക്കയം സി.ഐ. രാകേഷ് കുമാർ, എസ്.ഐ. വിപിൻ എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.
