ഇടുക്കി: അടിമാലിയില് മണ്ണിടിച്ചിലില് പരിക്കേറ്റ സന്ധ്യയുടെ കാല് മുറിച്ചുമാറ്റി. അടിയന്തര ശസ്ത്രക്രിയ ഫലം കാണാത്തതിനെ തുടർന്ന് ഇടതുകാല് മുറിച്ചുമാറ്റുകയായിരുന്നു.
ആലുവ രാജഗിരി ആശുപത്രിയില് ചികിത്സയിലാണ് സന്ധ്യ. തകര്ന്ന വീട്ടില് മണിക്കൂറുകളോളമാണ് സന്ധ്യ കുടുങ്ങിക്കിടന്നത്. മണ്ണിടിച്ചിലില് സന്ധ്യയുടെ ഭര്ത്താവ് ബിജു മരിച്ചു.
അടിമാലി കൂമ്പൻ പാറ ലക്ഷം വീട് ഉന്നതിയില് ശനിയാഴ്ച രാത്രി പത്തരയോടെയാണ് അപകടമുണ്ടായത്. ദേശീയപാതയോരത്ത് ഉള്ള കൂറ്റൻ കുന്ന് അടർന്ന് താഴെക്ക് പതിക്കുകയായിരുന്നു. ബിജുവിൻ്റെതുള്പ്പെടെ ആറ് വീടുകള്. മണ്ണിനടിയിലായി. മണ്ണിടിച്ചില് സാധ്യത കണ്ട് ഉന്നതിയിലെ 22 കുടുംബങ്ങളെ മാറ്റിപ്പിച്ചിരുന്നു. ഇത് ദുരന്തത്തിന്റെ വ്യാപ്തി കുറച്ചു.
Whatsapp Group 1 | Whatsapp Group 2 |Telegram Group
മാറ്റി പാർപ്പിച്ച ശേഷം വീട്ടിലേക്ക് തിരികെ എത്തിയ ബിജുവും സന്ധ്യയുമാണ് അപകടത്തില് പെട്ടത്. വീടിൻറെ കോണ്ക്രീറ്റ് പാളികള്ക്കിടയില് കുടുങ്ങിയ ഇരുവർക്കുമായി മണിക്കൂറുകള് നീണ്ട രക്ഷാപ്രവർത്തനം നടത്തിയിരുന്നു.
ദുഷ്കരമായ സാഹചര്യത്തില് പുലർച്ചെ മൂന്നരയോടെ സന്ധ്യയെ ജീവനോടെ പുറത്തെടുത്തു. പ്രാഥമിക ശുശ്രൂഷകള്ക്ക് ശേഷം രാജഗിരി ആശുപത്രിയില് പ്രവേശിപ്പിക്കപ്പെട്ട സന്ധ്യയുടെ ആരോഗ്യനില തൃപ്തികരമാണെന്ന് അറിയിച്ചിരുന്നു. പുലർച്ചെ നാലരയോടെ ആണ് ബിജുവിനെ പുറത്തെടുത്തത്. അപ്പോഴേക്കും ജീവൻ നഷ്ടമായിരുന്നു.
ഭക്ഷണം കഴിയ്ക്കാൻ വേണ്ടി വീട്ടിലേക്ക് എത്തിയതാണ് ബിജുവും ഭാര്യയും എന്നും ഇതിനിടയിലാണ് അപകടം എന്നും ബിജുവിനെ സഹോദരി അഞ്ജു. ഒരു വർഷം മുമ്പ് അസുഖം ബാധിച്ച് മരിച്ചതാണ് ബിജുവിന്റെ മകൻ. ഈ ദുരന്തത്തില് നിന്ന് കരകയറുന്നതിനിടയാണ് കുടുംബത്തിന് അടുത്ത ആഘാതം.
