തിരുവനന്തപുരം: സംസ്ഥാനത്തെ കർഷകർക്ക് മൂല്യവര്‍ദ്ധിത ഉത്പ്പന്നങ്ങള്‍ ബ്രാന്‍ഡ് ചെയ്ത് വിപണിയിലെത്തിക്കാൻ കൃഷി വകുപ്പിന്‍റെ ‘കേരളഗ്രോ.
സംസ്ഥാനത്തെ മൂല്യ വർദ്ധിത കാർഷിക ഉല്പന്നങ്ങള്‍ക്ക് രാജ്യവ്യാപകമായി വിപണി കണ്ടെത്തുന്നതിനും, കയറ്റുമതി ഉള്‍പ്പെടെ ലക്ഷ്യമിട്ട് കൂടുതല്‍ ഉപഭോക്താക്കളിലേക്ക് ഉല്‍പ്പന്നങ്ങള്‍ എത്തിക്കുന്നതിനും, ഉയർന്ന വില ഉറപ്പാക്കുന്നതിനുമായി കൃഷി വകുപ്പ് ട്രേഡ് മാർക്ക് രജിസ്റ്റർ ചെയ്ത ‘കേരളഗ്രോ’ എന്ന ഏകീകൃത ബ്രാൻഡ് വിജയ വഴിയിലാണ്.
കേരളത്തിലെ 1076 കൃഷിഭവനുകളിലൂടെ മൂവായിരത്തിലധികം മൂല്യവർദ്ധിത ഉല്‍പ്പന്നങ്ങള്‍ നിർമ്മിക്കുന്നുണ്ട്. ഇതില്‍ 942 ഉല്‍പ്പന്നങ്ങള്‍ കേരളഗ്രോ ബ്രാൻഡിലേക്ക് ഇതിനകം മാറിയിട്ടുണ്ടെന്ന് കൃഷി മന്ത്രി പി പ്രസാദ് നിയമസഭയില്‍ വ്യക്തമാക്കിയിരുന്നു.
Whatsapp Group 1 | Whatsapp Group 2 |Telegram Group
കർഷകരുടെ ഉത്പ്പന്നങ്ങള്‍ക്ക് സർക്കാർ തന്നെ ‘കേരളഗ്രോ’ എന്ന ബ്രാൻഡില്‍ പ്രാദേശിക വിപണിക്കപ്പുറത്തേക്കുള്ള വിപണന സാധ്യത കണ്ടെത്തി നല്‍കുകയാണ് ഇത്തരം സ്റ്റോറുകള്‍. 14 ജില്ലകളിലായി ആരംഭിച്ചിട്ടുള്ള 15 കേരളഗ്രോ ബ്രാൻഡഡ് ഷോപ്പുകള്‍, 14 പ്രീമിയം ഔട്ട്‌ലെറ്റുകള്‍, മില്ലറ്റ് കഫേകള്‍ എന്നിവ മുഖേന ലഭ്യമായ മൂല്യ വർദ്ധിത ഉല്‍പ്പന്നങ്ങള്‍ക്ക് കൂടുതല്‍ വിപണന സൗകര്യവും തയ്യാറാക്കിയിട്ടുണ്ട്.
ഹോർട്ടികോർപ്പ്, VFPCK ഔട്ട്‌ലെറ്റുകള്‍, പ്രാദേശിക സിവില്‍ സപ്ലൈസ് സ്റ്റോറുകള്‍ തുടങ്ങിയവ വഴി കേരളഗ്രോ ബ്രാൻഡഡ് ഉല്‍പ്പന്നങ്ങള്‍ കൂടുതല്‍ ജനങ്ങളിലേക്ക് എത്തിക്കുന്നതിനുള്ള നടപടികളും സ്വീകരിച്ചു വരുന്നുണ്ട്. വിവിധ കാര്‍ഷിക ഉത്പ്പന്നങ്ങള്‍ ഉത്പ്പാദിപ്പിക്കുന്നതിന് ഉപരി അവയുടെ മൂല്യവര്‍ദ്ധിത ഉത്പ്പന്നങ്ങള്‍ ബ്രാന്‍ഡ് ചെയ്ത് വിപണിയിലെത്തിക്കുക അനിവാര്യമാണെന്ന് കൃഷി മന്ത്രി പി പ്രസാദ് പറയുന്നു.
