ഈ കാര്യങ്ങള് മാത്രം ശ്രദ്ധിച്ചാല് ഫാറ്റി ലിവര് ഒഴിവാക്കാം, ലക്ഷണങ്ങള് നിസാരമാക്കരുത്. മദ്യപാനം ഒഴിവാക്കുക, മെറ്റബോളിസം മെച്ചപ്പെടുത്തുക ഇവ രണ്ടും ഒഴിവാക്കിയാൽ തന്നെ കരളിനെ ദീർധകാലം സംരക്ഷിക്കാമെന്ന് പഠനം. മദ്യപാനത്തില് സുരക്ഷിതമായ ഒരു അളവില്ല, മിതമായ മദ്യപാനം പോലും കരളിന്റെ ആരോഗ്യത്തെ നശിപ്പിക്കുമെന്നും പഠനങ്ങള് ചൂണ്ടിക്കാണിക്കുന്നു.
പ്രമേഹനില അനിയന്ത്രിതമാവുകയും വയറ് ചാടുകയും ഇൻസുലിൻ പ്രതിരോധം ഉണ്ടാവുകയുമാെക്കെ ചെയ്യുന്നതാണ് മോശം മെറ്റബോളിക് ആരോഗ്യം എന്ന് വിശേഷിപ്പിക്കുന്നത്. ഇത്തരം സാഹചര്യങ്ങളില് കരളില് കൊഴുപ്പ് അടിഞ്ഞുകൂടുകയും നോണ് ആല്ക്കഹോളിക് ഫാറ്റി ലിവർ (Fatty liver) ഡിസീസിന് കാരണമാവുകയും ചെയ്യുന്നു. മധുരം പരമാവധി കുറയ്ക്കുക, ആരോഗ്യകരമായ ഭക്ഷണക്രമം ശീലിക്കുക, മെച്ചപ്പെട്ട ഉറക്കം, പൊണ്ണത്തടി എന്നിവ നിയന്ത്രിക്കുന്നത് ഫാറ്റി ലിവർ സാധ്യത കുറയ്ക്കാൻ സഹായിക്കും.
കരളില് അധിക കൊഴുപ്പ് അടിഞ്ഞുകൂടു മ്പോഴുണ്ടാകുന്ന അഞ്ചു ശതമാനത്തില് കൂടുതല് കൊഴുപ്പ് കരളില് അടിയുമ്ബോഴാണ് അമിത കൊഴുപ്പായി കണക്കാക്കുന്നത്. മദ്യപാനം മൂലമുണ്ടാകുന്ന ആല്ക്കഹോളിക് ഫാറ്റി ലിവർ, മദ്യപാനികള് അല്ലാത്തവർക്ക് വരുന്ന നോണ് ആല്ക്കഹോളിക് ഫാറ്റി ലിവർ എന്നിങ്ങനെ രണ്ട് വിധത്തിലാണ് ഈ രോഗം കണ്ടുവരുന്നത്.വയറുവേദന, വയർ നിറഞ്ഞെന്ന തോന്നല്, വിശപ്പില്ലായ്മ, വയർ വീർക്കല്, മനംമറിച്ചില്, ഭാരനഷ്ടം, കാലുകളില് നീര്, ചർമത്തിനും കണ്ണിനും മഞ്ഞനിറം, ക്ഷീണം തുടങ്ങിയവയൊക്കെ ഫാറ്റി ലിവറിന്റെ ലക്ഷണങ്ങളാണ്. എന്നാല് ലക്ഷണങ്ങള് പ്രകടമല്ലാതെയും രോഗാവസ്ഥ ഉണ്ടാകാം. അസ്ഥിരമായ നടത്തം, വീഴാനുള്ള പ്രവണത എന്നിവ ഫാറ്റി ലിവർ രോഗത്തിന്റെ മറ്റ് ലക്ഷണങ്ങളാണ്. ഫാറ്റി ലിവർ നാഡീവ്യൂഹത്തെ ബാധിക്കുന്നതുകൊണ്ടാണ് നടപ്പില് മാറ്റം പ്രകടമാകുന്നത്. നാഡീവ്യൂഹത്തെ ബാധിക്കുന്നതുമൂലം പെരുമാറ്റത്തിലും മാനസികാവസ്ഥയിലും സംസാരത്തിലും ഉറക്കത്തിലുമൊക്കെ രോഗികളില് മാറ്റമുണ്ടായേക്കാം. പോഷകസമ്ബുഷ്ടമായ ഭക്ഷണം, വ്യായാമം എന്നിവ ഉറപ്പാക്കുന്നത് ഫാറ്റി ലിവർ രോഗത്തെ അകറ്റി നിർത്താൻ സഹായിക്കും.
Whatsapp Group 1 | Whatsapp Group 2 |Telegram Group
