ജമ്മു കശ്മീരില്‍ ഭീകരരുടെ ഒളിത്താവളം തകർത്ത് സൈന്യം: വടക്കൻ കശ്മീരിലെ കുപ് വാര ജില്ലയിലുള്ള മച്ചില്‍ ഏരിയയിലാണ് ഭീകരരുടെ ഒളിസങ്കേതം:നിരവധി ആയുധങ്ങളും വെടിക്കോപ്പുകളും കണ്ടെത്തി.

ശ്രീനഗർ: ജമ്മു കശ്മീരില്‍ ഭീകരരുടെ ഒളിത്താവളം തകർത്ത് സൈന്യം. വടക്കൻ കശ്മീരിലെ

കുപ് വാര ജില്ലയിലുള്ള മച്ചില്‍ ഏരിയയിലാണ് ഭീകരരുടെ ഒളിസങ്കേതം സ്ഥിതിചെയ്തിരുന്നത്.

ഇന്റലിജൻസ് വിവരങ്ങളുടെ അടിസ്ഥാനത്തില്‍ നടത്തിയ പരിശോധനയില്‍ ഒളിത്താവളം

കണ്ടെത്തുകയായിരുന്നു,. സ്പെഷ്യല്‍ ഓപ്പറേഷൻ ഗ്രൂപ്പും ഇന്ത്യൻ സൈന്യവും

സംയുക്തമായാണ് തെരച്ചില്‍ നടത്തിയത്.
നിരവധി ആയുധങ്ങളും വെടിക്കോപ്പുകളും കണ്ടെത്തിയതായി സൈന്യം അറിയിച്ചു. 5

എകെ-47 റൈഫിളുകള്‍, 8 എകെ-47 മാഗസീനുകള്‍, പിസ്റ്റല്‍, പിസ്റ്റല്‍ മാഗസീൻ, എകെ-47ന്റെ 660 തിരകള്‍, തുടങ്ങി നിരവധി വെടിക്കോപ്പുകള്‍ സുരക്ഷാസേന പിടിച്ചെടുത്തു.