സ്വന്തംലേഖകൻ
കോട്ടയം : രണ്ടാം വട്ടവും പ്രധാനന്ത്രിയായി നരേന്ദ്ര മോദി സത്യപ്രതിജ്ഞ ചെയ്ത് അധികരമേല്‍ക്കുമ്പോള്‍ ക്ഷേത്രങ്ങളില്‍ പ്രത്യേക പൂജകള്‍ നടത്തണമെന്ന് മുന്‍ ഡിജിപി ടി. പി സെന്‍കുമാര്‍. ഇതൊരു ശുഭമുഹൂര്‍ത്ത മാണെന്നും അതുകൊണ്ട് കേരളവും പങ്ക് ചേരണമെന്നുമാണ് ഫെയ്‌സ്ബുക്കിലൂടെ സെന്‍കുമാര്‍ ആവശ്യപ്പെടുന്നത്.
വ്യാഴാഴ്ച വൈകിട്ട് ഏഴുമണിക്കാണ് നരേന്ദ്ര മോദിയുടെ സത്യപ്രതിജ്ഞ രാഷ്ട്രപതി ഭവനില്‍ നടക്കുക. നിരവധി നേതാക്കള്‍ ചടങ്ങിനെത്തുമെന്നാണ് കരുതുന്നത്.
പോസ്റ്റിന്റെ പൂര്‍ണരൂപം..
Whatsapp Group 1 | Whatsapp Group 2 |Telegram Group
നരേന്ദ്ര മോദിജി വീണ്ടും ഭാരതത്തിന്റെ പ്രധാനമന്ത്രി ആയി സത്യപ്രതിജ്ഞ ചെയ്യുന്ന അതേ സമയത്ത് നമ്മൾ എല്ലാവരും വീടുകളിലോ ക്ഷേത്രങ്ങളിലോ വിളക്ക് തെളിയിക്കണം. കൂടാതെ ക്ഷേത്രങ്ങളിൽ പ്രത്യേക പൂജകൾ നടത്തുകയും ആഘോഷങ്ങൾ നടത്തുകയും ചെയ്യണം. ചില ദേശദ്രോഹ ശക്തികൾ അന്നേ ദിവസം കരിദിനമായി ആചരിക്കുന്നതായി വാർത്തകൾ കണ്ടിരുന്നു. ഇത്തരക്കാരെ നാം കരുതിയിരിക്കണം. അതിനെ നമ്മൾ മുഖവിലയ്‌ക്കെടുക്കരുത്. ഭാരതവും ലോകവും ഒന്നാകെ ഈ ശുഭമുഹൂർത്തം ആഘോഷിക്കുമ്പോൾ കേരളീയരായ നമ്മളും അതിൽ പങ്കു ചേരേണ്ടതാണ്. ജയ് ഹിന്ദ് !!
