തിരക്കുള്ള റോഡിൽ കസേരയിട്ടിരുന്ന് കാലിന്മേൽ കാല് കയറ്റി വെച്ച് ചായ കുടിക്കുന്ന യുവാവ്; നിരവധി വാഹനങ്ങൾ ചീറിപ്പാഞ്ഞ് പോകുന്ന സമയത്താണ് യുവാവിന്റെ ഇൻസ്റ്റഗ്രാം റീൽ ; റീൽ വൈറൽ ആയതോടെ യുവാവിനെ അറസ്റ്റ് ചെയ്ത് പോലീസ്

ബെംഗളൂരു: റോഡിൽ കസേരയിട്ടിരുന്ന റീൽ ചിത്രീകരിച്ച യുവാവിനെ അറസ്റ്റ് ചെയ്ത് പൊലീസ്. ഇൻസ്റ്റഗ്രാമിൽ റീൽ ചെയ്യാനായി ബെംഗളൂരുവിലെ ഒരു തരക്കുള്ള റോഡിലിരുന്ന ചായ കുടിക്കുന്നതാണ് ദൃശ്യങ്ങളിൽ ഉള്ളത്. ബെംഗളൂരുവിലെ മഗഡി റോഡിൽ ഏപ്രിൽ 12നായിരുന്നു സംഭവം.

വളരെ ശാന്തമായി റോഡിലിരുന്ന് കാലിന്മേൽ കാല് കയറ്റി വച്ച് ചായകുടിക്കുന്ന യുവാവിന് അടുത്തൂകൂടെ ഓട്ടോറിക്ഷയും ബൈക്കുമെല്ലാം കടന്നുപോകുന്നത് കാണാം. ഇൻസ്റ്റഗ്രാമിൽ വീഡിയോ അപ്പ് ചെയ്തതിന് പിന്നാലെ വലിയ ശ്രദ്ധ നേടി.