ആലപ്പുഴയിൽ പള്ളിയിലെ ക്വയർ പരിശീലനത്തിനിടെ വിദ്യാർത്ഥി കുഴഞ്ഞ് വീണ് മരിച്ചു

ആലപ്പുഴ : പള്ളിയിലെ ക്വയർ പരിശീലനത്തിനിടെ വിദ്യാർത്ഥി കുഴഞ്ഞ് വീണ് മരിച്ചു. വിരുപ്പാല തൈപ്പറമ്പിൽ ലിജോയുടെ മകൻ എഡ്വിൻ ലിജോ(16)ആണ് മരിച്ചത്.

തകഴി വിരുപ്പാല സെൻ്റ് ജൂഡ് പള്ളിയിലാണ് സംഭവം. ‘കീബോർഡ് വായിക്കുന്നതിനിടെ എഡ്വിൻ കുഴഞ്ഞ് വീഴുകയായിരുന്നു.

ആദ്യം തകഴിയിലെയും പിന്നീട് പരുമലയിലെയും സ്വകാര്യ ആശുപത്രികളിൽ എത്തിച്ചെങ്കിലും ജീവൻ രക്ഷിക്കാനായില്ല.

പച്ച ലൂർദ്ദ് മാതാ എച്ച് എസ് എസിലെ പ്ലസ് വൺ വിദ്യാർത്ഥിയാണ്.