വിപണിയിലെത്തി രണ്ടാഴ്ചയ്ക്കുള്ളില്‍ 50,000 ബുക്കിംഗുകള്‍; മികച്ച തുടക്കവുമായി അള്‍ട്രാവയലറ്റ് ടെസറാക്റ്റ് ഇലക്‌ട്രിക് സ്‍കൂട്ടർ
ഡൽഹി: അള്‍ട്രാവയലറ്റ് ടെസറാക്റ്റ് ഇലക്‌ട്രിക് സ്‍കൂട്ടറിന് 50,000 ബുക്കിംഗുകള്‍ ലഭിച്ചു.
വിപണിയിലെത്തി രണ്ടാഴ്ചയ്ക്കുള്ളില്‍ ആണ് ഇത്രയധികം ബുക്കിംഗുകള്‍ ലഭിച്ചത്. ആദ്യ 10,000 ഉപഭോക്താക്കള്‍ക്ക് മാത്രമേ പ്രാരംഭ വില സാധുതയുള്ളൂവെന്ന് കമ്പനി ആദ്യം പ്രഖ്യാപിച്ചിരുന്നു, എന്നാല്‍ ഇപ്പോള്‍ ഇതുവരെ ലഭിച്ച 50,000 ബുക്കിംഗുകളിലേക്ക് ഇത് വ്യാപിപ്പിച്ചിരിക്കുന്നു.
ഈ ഇലക്‌ട്രിക് സ്‍കൂട്ടറിന്റെ എക്സ്-ഷോറൂം വില 1,20,000 രൂപയാണ്. പ്രാരംഭ വില പദ്ധതി 50,000 ബുക്കിംഗുകളില്‍ അവസാനിക്കുമ്ബോള്‍, ടെസറാക്റ്റ് ഇപ്പോള്‍ 1.45 ലക്ഷം രൂപയ്ക്ക് ലഭ്യമാണ്. 2026 ന്റെ ആദ്യ പാദത്തില്‍ ഡെലിവറികള്‍ ആരംഭിക്കും.
Whatsapp Group 1 | Whatsapp Group 2 |Telegram Group
അള്‍ട്രാവയലറ്റ് ടെസറാക്റ്റ് ഈ വിഭാഗത്തിലെ ഏറ്റവും മികച്ച സവിശേഷതകളുള്ള ഇലക്‌ട്രിക് സ്കൂട്ടറുകളില്‍ ഒന്നാണ്. ബ്ലൈൻഡ് സ്പോട്ട് ഡിറ്റക്ഷൻ, ലെയ്ൻ ചേഞ്ച് അസിസ്റ്റ്, കൊളീഷൻ അലേർട്ടുകള്‍ തുടങ്ങിയ റഡാർ സാങ്കേതികവിദ്യ വാഗ്ദാനം ചെയ്യുന്ന സെഗ്‌മെന്റിലെ ആദ്യത്തെ മോഡലാണിത്.
ഈ സ്‍കൂട്ടറില്‍ ഗൂഗിള്‍ മാപ്‍സ് നാവിഗേഷനും സ്‍മാർട്ട്ഫോണ്‍ കണക്റ്റിവിറ്റിയും പിന്തുണയ്ക്കുന്ന 7 ഇഞ്ച് ടിഎഫ്‍ടി ഡിസ്പ്ലേയുണ്ട്. 110-സെക്ഷൻ ഫ്രണ്ട്, 140-സെക്ഷൻ റിയർ ടയറുകളുള്ള 14 ഇഞ്ച് അലോയ് വീലുകളാണ് ഇതില്‍ ലഭിക്കുന്നത്. അള്‍ട്രാവയലറ്റ് ടെസെറാക്റ്റ് ഫ്രണ്ട്, റിയർ ഡിസ്‍ക് ബ്രേക്കുകളില്‍ നിന്ന് ബ്രേക്കിംഗ് പവർ നേടുന്നു. ബൈ-പ്രൊജക്ടർ ഹെഡ്ലൈറ്റുകളും എല്‍ഇഡി ഡിആർഎല്ലുകളും ഇതില്‍ ഉള്‍പ്പെടുന്നുണ്ട്.
