ഡ്യൂട്ടി സമയത്തു കിടന്നുറങ്ങി; മൂന്നാര്‍ ഡിപ്പോയിലെ സ്റ്റേഷന്‍ മാസ്റ്ററടക്കം രണ്ട് കെഎസ്ആര്ടിസി ജീവനക്കാര്‍ക്ക് സസ്‌പെന്‍ഷന്‍
മൂന്നാര്‍: ഡ്യൂട്ടി സമയത്തു കിടന്നുറങ്ങിയ രണ്ട് കെഎസ്ആര്ടിസി ജീവനക്കാരെ സസ്‌പെന്‍ഡ് ചെയ്തു.
മൂന്നാര്‍ ഡിപ്പോയിലെ സ്റ്റേഷന്‍ മാസ്റ്റര്‍ വി.വി.മനോജ്, ബജറ്റ് ടൂറിസം സെന്ററിലെ ജീവനക്കാരന്‍ കെ.എന്‍.മനോജ് എന്നിവരെയാണ് കെഎസ്ആര്ടിസി എംഡി സസ്‌പെന്‍ഡ് ചെയ്തത്.
കഴിഞ്ഞ ഞായറാഴ്ച രാത്രിയാണു തിരുവനന്തപുരത്തു നിന്നെത്തിയ മൂന്നംഗ വിജിലന്‍സ് സംഘം ഡിപ്പോയില്‍ പരിശോധന നടത്തിയത്.
Whatsapp Group 1 | Whatsapp Group 2 |Telegram Group
രാത്രിയില്‍ സര്‍വീസ് നടത്തുന്ന വാഹനങ്ങള്‍ക്കു വേണ്ട നിര്‍ദേശങ്ങള്‍ നല്‍കുക, ഫോണ്‍ വിളിക്കുന്നവര്‍ക്കു മറുപടി നല്‍കുക തുടങ്ങിയ ജോലി ചെയ്യേണ്ട സ്റ്റേഷന്‍ മാസ്റ്ററാണു കിടന്നുറങ്ങുന്നതായി കണ്ടെത്തിയത്.
അന്നു നടത്തിയ മറ്റൊരു പരിശോധനയില്‍ രാത്രി മൂന്നാറില്‍ നിന്നു തിരുവനന്തപുരത്തേക്കു പോയ ബസില്‍ 8 യാത്രക്കാരില്‍ നിന്നു ടിക്കറ്റ് നല്‍കാതെ കണ്ടക്ടര്‍ പണം വാങ്ങിയെന്നും കണ്ടെത്തിയിരുന്നു. ഇയാള്‍ക്കെതിരെയുള്ള നടപടി ഉടനുണ്ടാകും.
ഗുരുതര അച്ചടക്ക ലംഘനം നടത്തി; ആറ് ജീവനക്കാരെ സസ്‌പെന്‍ഡ് ചെയ്ത് കെഎസ്ആര്ടിസി
സ്വന്തം ലേഖിക
തിരുവനന്തപുരം: ഗുരുതര അച്ചടക്ക ലംഘനം നടത്തിയ ആറ് പേരെ കെ എസ് ആര്‍ ടി സി സസ്‌പെന്‍ഡ് ചെയ്തു.
അപകടകരമായ രീതിയില്‍ വാഹനമോടിച്ചു, മദ്യപിച്ച്‌ ഡ്യൂട്ടിക്കെത്തി, ലഗേജിന് നിരക്ക് ടിക്കറ്റ് നല്‍കാത്തത് തുടങ്ങിയ സംഭവങ്ങളിലാണ് സസ്‌പെന്‍ഷന്‍.
Whatsapp Group 1 | Whatsapp Group 2 |Telegram Group
അപകടകരമായി ബസോടിച്ച്‌ രണ്ട് കോളേജ് വിദ്യാര്‍ത്ഥികള്‍ മരിച്ച സംഭവത്തില്‍ ചടയമംഗലം ഡിപ്പോയിലെ ഡ്രെെവര്‍ ആര്‍ ബിനുവാണ് സസ്‌പെന്‍ഡ് ചെയ്യപ്പെട്ടവരില്‍ ഒരാള്‍.
ബിഹേവിയറല്‍ ചെയ്ഞ്ച് ട്രെയിനിംഗില്‍ മദ്യപിച്ചെത്തിയ മൂലമറ്റം യൂണിറ്റിലെ കണ്ടക്ടര്‍ ബിജു അഗസ്റ്റിനെയും സസ്‌പെന്‍ഡ് ചെയ്തു.
മദ്യപിച്ച്‌ ഡ്യൂട്ടിക്കെത്തിയ എറണാകുളം ഡിപ്പോയിലെ വെഹിക്കിള്‍ സൂപ്പര്‍ വെെസര്‍ എ എസ് ബിജുകുമാറിനെയും സാധനങ്ങള്‍ കടത്തിയ പാറശാല ഡിപ്പോയിലെ ബ്ലാക്ക് സ്‌മിത്ത് ഐ ആര്‍ ഷാനുവിനെയും സസ്‌പെന്‍ഡ് ചെയ്തു.
ചികിത്സാ ഫണ്ട് അപഹരിച്ച നെയ്യാറ്റിന്‍കര ഡിപ്പോയിലെ ജനറല്‍ ഇന്‍സ്‌പെക്ടര്‍ ടി ഐ സതീഷ് കുമാറിനെയും അന്വേഷണ വിധേയമായി സസ്‌പെന്‍ഡ് ചെയ്തിട്ടുണ്ട്.
