മദ്യപിക്കുന്നതിനിടയിൽ, ഭാര്യ ഉപേക്ഷിച്ച് പോയത് പറഞ്ഞ് പരിഹസിച്ചു; സുഹൃത്തിനെ വെട്ടി വീഴ്ത്തി യുവാവ്; പ്രതി അറസ്റ്റിൽ

പാലക്കാട് : നെന്മാറ അയിലൂരിൽ യുവാവിനെ വെട്ടിയ കേസിൽ സുഹൃത്ത് പിടിയിൽ. വീഴ്ലി സ്വദേശി ഷാജിയെ വെട്ടിയ കേസിൽ വീഴ്ലി സ്വദേശി തന്നെയായ രജീഷ് എന്ന ടിന്റുമോൻ ആണ് പിടിയിലായത്.

Link

Embed

Copy and paste this HTML code into your webpage to embed.

രജീഷിന്റെ ഭാര്യ ഇയാളെ ഉപേക്ഷിച്ച് പോയതിനെ പരിഹസിച്ചതാണ് പ്രകോപനമെന്ന് പൊലീസ് പറയുന്നു. ഇന്നലെ രാത്രി ഷാജിയും രജീഷും ഒരുമിച്ചിരുന്ന് മദ്യപിച്ചിരുന്നു.

ഇതിന് ശേഷമാണ് ഇരുവരും തമ്മിൽ തർക്കമുണ്ടായതും ഭാര്യ ഉപേക്ഷിച്ച് പോയത് പറഞ്ഞ് ഷാജി പരിഹസിക്കുകയും ചെയ്തത്. കൊലക്കേസ് പ്രതിയായ രജീഷ് ജാമ്യത്തിൽ ഇറങ്ങിയതാണെന്ന് പൊലീസ് അറിയിച്ചു. ആശുപത്രിയിൽ ചികിത്സയിൽ തുടരുന്ന ഷാജിയുടെ പരിക്ക് ഗുരുതരമല്ല.