ഡൽഹി: വിശ്വാസ വഞ്ചന കാണിച്ച കാമുകനോട് യുവതി പകരം വീട്ടിയത് സോഷ്യല്‍ മീഡിയയിലൂടെ. താൻ അടക്കം 300 സ്ത്രീകളുമായി ബന്ധം സ്ഥാപിച്ചാണ് കാമുകൻ വിശ്വാസവഞ്ചന കാട്ടിയത്.
ഇതിന്റെ ചരിത്രം വിവരിക്കുന്ന 58 പേജുള്ള പവർപോയിൻ്റ് ഫയല്‍ യുവതി ഓണ്‍ലൈനില്‍ പോസ്റ്റ് ചെയ്തു. ചൈനീസ് സോഷ്യല്‍ മീഡിയ പ്ലാറ്റ്‌ഫോമായ വെയ്‌ബോയിലാണ് യുവതി ഈ
ഫയല്‍ പങ്കുവച്ചിരിക്കുന്നത്. 300 ദശലക്ഷം പേരാണ് സോഷ്യല്‍ മീഡിയയില്‍ ഇത് കണ്ടത്. ഈ ഫയല്‍ സോഷ്യല്‍ മീഡിയയില്‍ വൈറലായതോടെ യുവാവിന്റെ ജോലി നഷ്ടപ്പെട്ടു.
Whatsapp Group 1 | Whatsapp Group 2 |Telegram Group
ചൈന മർച്ചൻ്റ്സ് ബാങ്കിൻ്റെ ഷെൻഷെൻ ആസ്ഥാനത്ത് മാനേജ്‌മെൻ്റ് ട്രെയിനിയായ ഷി എന്ന യുവാവിനെതിരെയാണ് ഇത്തരത്തില്‍ ഒരു ആരോപണം ഉയർന്നിരിക്കുന്നത്. ഇയാള്‍ ഒരു
വർഷത്തിനിടെ ലൈംഗികത്തൊഴിലാളികള്‍ ഉള്‍പ്പടെ മുന്നൂറോളം സ്ത്രീകളുമായി ലൈംഗികബന്ധത്തില്‍ ഏർപ്പെട്ടതായാണ് ഓണ്‍ലൈനില്‍ പങ്കിട്ട പവർപോയിൻ്റ് ഫയലില്‍ പറയുന്നത്.
കഴിഞ്ഞ വർഷം ഒക്ടോബറില്‍ ഷിയുമായി ഡേറ്റിംഗ് ആരംഭിച്ച പേരു വെളിപ്പെടുത്താത്ത യുവതിയാണ് ഫയല്‍ ഓണ്‍ലൈനില്‍ പോസ്റ്റ് ചെയ്തത്. തുടക്കത്തില്‍ തനിക്ക് വളരെ മാന്യനായ ഒരു വ്യക്തിയായാണ് ഷിയെ അനുഭവപ്പെട്ടതെന്നും എന്നാല്‍ പിന്നീട് താനുമായി ബന്ധത്തില്‍
ആയിരിക്കുമ്ബോള്‍ തന്നെ മറ്റ് നിരവധി സ്ത്രീകളുമായി ചാറ്റ് ആപ്പുകള്‍ വഴി പങ്കുവെച്ച ലൈംഗികത പ്രകടമാക്കുന്ന സന്ദേശങ്ങള്‍ കണ്ടെത്തിയതോടെയാണ് ഇയാളുടെ യഥാർത്ഥ സ്വഭാവം മനസ്സിലായതെന്നും യുവതി പോസ്റ്റില്‍ പറയുന്നുണ്ട്.
ഇനിയൊരിക്കലും താൻ ഈ തെറ്റുകള്‍ ആവർത്തിക്കില്ല എന്ന് അയാള്‍ ആണയിട്ടു പറഞ്ഞതാണ്. പക്ഷേ ഇയാള്‍ വീണ്ടും പഴയതുപോലെ തന്നെ സ്ത്രീകളെ ചതിക്കുന്നത് തുടർന്നു.
അതുകൊണ്ടാണ് താൻ ഇത്തരത്തില്‍ ഒരു ഫയല്‍ തയാറാക്കി സോഷ്യല്‍ മീഡിയയില്‍ പോസ്റ്റ് ചെയ്തത് എന്ന യുവതിയുടെ വാക്കുകള്‍ സൗത്ത് ചൈന മോണിംഗ് പോസ്റ്റ് റിപ്പോർട്ട് ചെയ്യ്തു.
