യൂത്ത് കോൺഗ്രസ് മുൻ കോട്ടയം ജില്ലാ പ്രസിഡണ്ടും ഡിസിസി ജനറൽ സെക്രട്ടറിയുമായ ജോബോയ് ജോർജ്ജിന്റെ അപ്രതീക്ഷിത മരണം ഞെട്ടലോടെ കോൺഗ്രസുകാർ; നഷ്ടമായത് കരുത്തുറ്റ യുവ നേതാവിനെ

കോട്ടയം: യൂത്ത് കോൺഗ്രസ് മുൻ കോട്ടയം ജില്ലാ പ്രസിഡണ്ടും ഡിസിസി ജനറൽ സെക്രട്ടറിയുമായ ജോബോയ് ജോർജ് കുഴഞ്ഞ് വീണു മരിച്ചു. 45 വയസായിരുന്നു.

Link

Embed

Copy and paste this HTML code into your webpage to embed.

കോട്ടയം മാർക്കറ്റിൽ വച്ച് ഇന്നലെ വൈകിട്ട് എട്ടരയോടെ കുഴഞ്ഞു വീഴുകയായിരുന്നു.
പച്ചക്കറി വാങ്ങുന്നതിനായി മാർക്കറ്റിൽ എത്തിയതായിരുന്നു ജോബോയി.

കുഴഞ്ഞുവീണത് കണ്ട് സമീപത്തുണ്ടായിരുന്നവർ ഉടൻതന്നെ കോട്ടയം ജില്ല ജനറൽ ആശുപത്രിയിൽ എത്തിച്ചുവെങ്കിലും മരിച്ചു.
ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം.
ഭാര്യ: കവിത(പുത്തന്‍പുരയില്‍). മക്കള്‍: ലെന, ഇവാന, ജുവാന്‍

യൂത്ത് കോൺഗ്രസ് ജില്ലാ പ്രസിഡൻറ് ആയിരിക്കേ നിരവധി സമരങ്ങൾ സംഘടിപ്പിച്ചും പാർട്ടിയെ ഏകോപിപ്പിച്ച് നിർത്തി മുന്നോട്ടു കൊണ്ടുപോകുന്നതിലും ശ്രദ്ധേയനായ നേതാവായിരുന്നു ജോബോയ് ജോർജ്. കോൺഗ്രസിന് നഷ്ടമായത് കരുത്തുറ്റ യുവ നേതാവിനെയാണ്.