കുടുക്കയിലെ സമ്പാദ്യവും വയനാട്ടിലേക്ക്: കൊച്ചു മനസിന്റെ വലിയ സംഭാവന കോട്ടയം കിളിരൂർ എസ്.എൻ.ഡി.പി. സ്കൂൾ വിദ്യാർത്ഥിനി ഇഷാനയുടേത്.

കിളിരൂർ : വയനാട്ടിലെ ദുരന്ത ഭൂമിയിലെ ദൃശ്യങ്ങൾ നോവായപ്പോൾ മുഖ്യ മന്ത്രിയുടെ ദുരിതാശ്വാസ നിധിയിലേക്ക് തൻ്റെ കുടുക്കയിലെ പണം നൽകി മാതൃകയാവുകയാണ് ഇഷാന മേരി ഷാജി എന്ന രണ്ടാം ക്ലാസ്സ് വിദ്യാർത്ഥിനി.

കിളിരൂർ എസ്.എൻ.ഡി.പി എച്ച്.എസ്സ്.എസ്സ്.ലെ വിദ്യാർത്ഥിനിയാണ് ഇഷാന. ഈ സ്കൂളിൽ നിന്നും സഹായം നൽകുന്ന രണ്ടാമത്തെ വിദ്യാർത്ഥികൂടിയാണ് ഇഷാന.

ഇഷാന സ്വരൂപിച്ച 3186 രൂപ, മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകുന്നതിനായി തിരുവാർപ്പ് ഗ്രാമ പഞ്ചായത്ത് അംഗം സുമേഷ് കാഞ്ഞിരത്തിൻ്റെ പക്കൽ ഏൽപ്പിച്ചു.

സീനിയർ അസിസ്റ്റൻ്റ് ഷീന എം. നൈനാൻ, പി.ടി.എ. പ്രസിഡൻ്റ് അനീഷ് ഒ.എ, ക്ലാസ്സ് ടീച്ചർ ഷൈമ എസ്

തങ്കപ്പൻ, അധ്യാപകയായ അഖിത, മുത്തച്ഛൻ പൊന്നപ്പൻ എന്നിവർ ചടങ്ങിൽ പങ്കെടുത്തു. ഷാജി – ഷൈനി ദമ്പതികളുടെ മകളാണ് ഇഷാന.