മുണ്ടക്കൈ ദുരന്ത ഭൂമിയിൽ വ്യോമസേനയുടെ ഹെലികോപ്റ്റർ എയർ ലിഫ്റ്റിങ് ആരംഭിച്ചു

മേപ്പാടി: വയനാട്ടിലെ ചൂരൽമല, മുണ്ടക്കൈ, അട്ടമല ഭാഗങ്ങളിലുണ്ടായ ഉരുൾപൊട്ടലിൽ രക്ഷാ പ്രവർത്തനത്തിനായി വ്യോമസേനയുടെ ഹെലികോപ്ടർ എത്തി. ചൂരൽമലയിൽ കുടുങ്ങിക്കിടന്നവരെ എയർലിഫ്റ്റ് ചെയ്ത് പുറത്തെത്തിച്ചു.

പരിക്കേറ്റവരെയും അടിയന്തര വൈദ്യസഹായം ആവശ്യമുള്ളവരെയുമാണ് എയർ ലിഫ്റ്റ് ചെയ്തത്. കാലാവസ്ഥ പ്രതികൂലമാകുമെന്നാണ് ആദ്യം കരുതിയിരുന്നത്. മണ്ണിനടിയിൽ ഇനിയും ആളുകൾ അകപ്പെട്ടിട്ടുണ്ട് എന്നാണ് മുഖ്യമന്ത്രി വ്യക്തമാക്കിയത്, അവർക്കയുള്ള തിരച്ചിൽ പുരോഗമിക്കുകയാണ്. ആവശ്യമെങ്കിൽ രാത്രികാലങ്ങളിലും തിരച്ചിൽ നടത്തണമെന്നാണ് അധികൃതർ അറിയിച്ചിരിക്കുന്നത്.