എം.ജി സർവകലാശാല എം.എ, എം.എസ്‌.സി, എം.കോം പരീക്ഷകൾ നാളെ മുതൽ; ഹാള്‍ ടിക്കറ്റ് ഇന്ന് ലഭിക്കും

കോട്ടയം: എം.ജി സർവകലാശാല മൂന്ന്, നാല് സെമസ്റ്ററുകള്‍ എം.എ, എം.എസ്‌.സി, എം.കോം (സി.എസ്.എസ് 2022 അഡ്മിഷൻ റഗുലർ, 2019, 2020, 2021 അഡ്മിഷനുകള്‍ റീ അപ്പിയറൻസ് പ്രൈവറ്റ് രജിസ്‌ട്രേഷൻ) പരീക്ഷ നാളെ ആരംഭിക്കും.

വിദ്യാർത്ഥികള്‍ പരീക്ഷാ കേന്ദ്രമായി അനുവദിക്കപ്പെട്ട കോളേജില്‍ നിന്ന് ഹാള്‍ ടിക്കറ്റ് വാങ്ങി അവിടെ തന്നെ പരീക്ഷ എഴുതണം.

മെയിൻ സെന്ററിലും സബ് സെന്ററിലും പരീക്ഷ എഴുതേണ്ടവർ അതാത് കേന്ദ്രങ്ങളില്‍ എത്തണം.

ഓട്ടോണമസ് കോളേജുകളില്‍ രജിസ്റ്റർ ചെയ്തവരും അനുവദിക്കപ്പെട്ട പരീക്ഷാ കേന്ദ്രങ്ങളില്‍നിന്ന് ഹാള്‍ടിക്കറ്റ് വാങ്ങി പരീക്ഷ എഴുതണം. ഹാള്‍ ടിക്കറ്റ് ഇന്ന് ഉച്ചകഴിഞ്ഞ് രണ്ടിനുശേഷം പരീക്ഷാ കേന്ദ്രങ്ങളില്‍ ലഭിക്കും.