സ്വന്തം ലേഖകൻ
ഡൽഹി: പ്രധാനമന്ത്രിയുടെ വിരുന്നില് പങ്കെടുത്തത് മാരക കുറ്റമായി ചിത്രീകരിക്കാന് സിപിഎം നീക്കമെന്ന് എന്.കെ പ്രേമചന്ദ്രന് എംപി.
എല്ലാ തിരഞ്ഞെടുപ്പിലും വില കുറഞ്ഞ ആരോപണം ഉന്നയിച്ച് സിപിഎം വിവാദം ഉണ്ടാക്കാന് ശ്രമിക്കുകയാണ്.
പ്രധാനമന്ത്രിയുടെ ഓഫീസിലേക്കാണ് വിളിപ്പിച്ചത്. അതുകൊണ്ടാണ് പോയത്. അവിടെ ചെന്നപ്പോള് ഭക്ഷണം കഴിക്കാന് കൊണ്ടുപോവുകയായിരുന്നു.
Whatsapp Group 1 | Whatsapp Group 2 |Telegram Group
പരസ്യമായി നടത്തിയ സൗഹൃദവിരുന്നാണ്. പാര്ലമെന്ററി രംഗത്ത് മികവ് പുലര്ത്തിയവരാണ് വിരുന്നില് പങ്കെടുത്തതെന്നും എന്.കെ പ്രേമചന്ദ്രന് വിശദീകരിച്ചു.
കഴിഞ്ഞ ദിവസം എന്.കെ പ്രേമചന്ദ്രന് അടക്കം എട്ട് എംപിമാര്ക്കായിരുന്നു പ്രധാനമന്ത്രി വിരുന്നൊരുക്കിയത്. തന്നെ അറിയുന്നവര് വിവാദങ്ങള് തള്ളികളയും. ആര്എസ്പിയായി തന്നെ തുടരും.
രാഷ്ട്രീയ മുതലെടുപ്പിനാണ് സിപിഎം ശ്രമിക്കുന്നതെന്നും എം പി പറഞ്ഞു. മുഖ്യമന്ത്രി പിണറായി വിജയന്റെ വിരുന്നില് ആര്എസ്എസ് ബിജെപി പ്രവര്ത്തകര് പങ്കെടുത്തിട്ടുണ്ട്.
പാര്ലമെന്റില് എന്ഡിഎ സര്ക്കാരിന്റെ ധവളപത്രത്തിനെതിരെ സിപിഎം പ്രതികരിച്ചിട്ടില്ല. കൊല്ലത്തെ ന്യൂനപക്ഷത്തെ ഭിന്നിപ്പിക്കാനാണ് ശ്രമമെന്നും എന്.കെ പ്രേമചന്ദ്രന് പറഞ്ഞു.
