![സംസ്ഥാനത്ത് ആശാ വര്ക്കര്മാരുടെ ഓണറേറിയം വര്ധിപ്പിച്ചു; പ്രതിമാസം 1000 രൂപ കൂടി സംസ്ഥാനത്ത് ആശാ വര്ക്കര്മാരുടെ ഓണറേറിയം വര്ധിപ്പിച്ചു; പ്രതിമാസം 1000 രൂപ കൂടി](https://i0.wp.com/thirdeyenewslive.com/storage/2024/02/IMG-20240210-WA0005.jpg?fit=960%2C1280&ssl=1)
സംസ്ഥാനത്ത് ആശാ വര്ക്കര്മാരുടെ ഓണറേറിയം വര്ധിപ്പിച്ചു; പ്രതിമാസം 1000 രൂപ കൂടി
തിരുവനന്തപുരം: സംസ്ഥാനത്തെ ആശാ വര്ക്കര്മാരുടെ പ്രതിമാസ ഓണറേറിയം വർധിപ്പിച്ചു.
1000 രൂപ കൂടി വർധിപ്പിച്ച് 7000 രൂപയാക്കി പ്രതിമാസ വേതനം. ആരോഗ്യ മന്ത്രി വീണ ജോർജ് ആണ് ഇക്കാര്യം സംബന്ധിച്ച് ആരോഗ്യ വകുപ്പ് ഉത്തരവിട്ടതായി അറിയിച്ചത്.
2023 ഡിസംബര് മാസം മുതല് പ്രാബല്യത്തില് വരുന്ന വിധത്തിലാണ് ഓണറേറിയം വര്ധിപ്പിച്ചത്. 2016ന് മുൻപ് ആശാ വര്ക്കര്മാരുടെ പ്രതിമാസ ഓണറേറിയം 1,000 രൂപ ആയിരുന്നു. അതിന് ശേഷം ഘട്ടംഘട്ടമായാണ് പ്രതിമാസ ഓണറേറിയം 6,000 രൂപ വരെ വര്ധിപ്പിച്ചത്.
Whatsapp Group 1 | Whatsapp Group 2 |Telegram Group
![](https://i0.wp.com/thirdeyenewslive.com/storage/2021/06/oxiaug.jpg?fit=1600%2C1600&ssl=1)
ഇതിന്റെ തുടര്ച്ചയായാണ് വീണ്ടും 1,000 രൂപ ഓണറേറിയം വര്ധിപ്പിച്ചത്. 14 ജില്ലകളിലായി നിലവില് 21,371 പേര് ഗ്രാമ പ്രദേശങ്ങളിലും 4,205 പേര് നഗര പ്രദേശങ്ങളിലും 549 പേര് ട്രൈബല് മേഖലയിലുമായി ആകെ 26,125 ആശാ വര്ക്കര്മാര് സേവനമനുഷ്ഠിക്കുന്നു. ഇവര്ക്കെല്ലാം ഈ വര്ധനവിന്റെ ഗുണഫലം ലഭിക്കുമെന്നും മന്ത്രി വ്യക്തമാക്കി.