തിരുനക്കര പുതിയ തൃക്കോവിൽ മഹാവിഷ്ണു ക്ഷേത്രത്തിൽ ഉത്സവം: ജനുവരി 14 – ന് കൊടിയേറും 21 – ന് ആറാട്ട്:

സ്വന്തം ലേഖകൻ
കോട്ടയം: തിരുനക്കര പുതിയ തൃക്കോവിൽ മഹാവിഷ്ണു ക്ഷേത്രത്തിൽ ഉത്സവത്തിന് ജനുവരി 14 – ന് കൊടിയേറും. രാത്രി 7 – ന് തന്ത്രി കണ്ഠരര് മോഹനര് കൊടിയേറ്റ് നിർവഹിക്കും. 21-നാണ് ആറാട്ട്. 20-ന് കാർത്തിക വിളക്ക്.

പഴയ പാട്ടുകൾ അടങ്ങിയ ഹൃദയരാഗം ഗാനസന്ധ്യ, ദേവനടനം , തിരുവാതിര, നൃത്താർച്ചന, മേജർ സെറ്റ് കഥകളി, ഓട്ടൻതുള്ളൽ ‘സംഗീതസദസ്. മോഹിനിയാട്ടം,. ട്രിപ്പിൾ തായമ്പക, മയിലാട്ടം, തുടങ്ങിയവയാണ് പ്രധാന കലാപരിപാടികൾ.

ഏഴാം ഉത്സവ ദിവസമാണ് കാർത്തിക വിളക്ക്. കാർത്തിക വിളക്ക് തെളിക്കുന്നത് ജില്ലാ പോലീസ് മേധാവി കെ. കാർത്തിക്. ആറാട്ടുദിവസം രാവിലെ 10.30 -ന് മഹാപ്രസാദമൂട്ട്. 3.30-ന് ആറാട്ട് എഴുന്നള്ളിപ്പ്, രാത്രി 7.30 ന് ആറാട്ട് വരവേൽപ്പ്. തുടർന്ന് മയിലാട്ടം, ഘോഷയാത്ര.