![രണ്ട് ചക്രവാതചുഴി!; സംസ്ഥാനത്ത് കാലവര്ഷം ശക്തമായേക്കാൻ സാധ്യത; 72 മണിക്കൂര് നിര്ണായകം; മുന്നറിയിപ്പ് രണ്ട് ചക്രവാതചുഴി!; സംസ്ഥാനത്ത് കാലവര്ഷം ശക്തമായേക്കാൻ സാധ്യത; 72 മണിക്കൂര് നിര്ണായകം; മുന്നറിയിപ്പ്](https://i0.wp.com/thirdeyenewslive.com/storage/2023/09/WhatsApp-Image-2023-09-09-at-07.25.10.jpeg?fit=1050%2C1403&ssl=1)
രണ്ട് ചക്രവാതചുഴി!; സംസ്ഥാനത്ത് കാലവര്ഷം ശക്തമായേക്കാൻ സാധ്യത; 72 മണിക്കൂര് നിര്ണായകം; മുന്നറിയിപ്പ്
സ്വന്തം ലേഖകൻ
തിരുവനന്തപുരം: സംസ്ഥാനത്ത് കാലവര്ഷം ശക്തമായേക്കാൻ സാധ്യത. ഏറ്റവും പുതിയ അറിയിപ്പ് പ്രകാരം കേരളത്തില് അടുത്ത 5 ദിവസം മഴ ശക്തമായി തുടരാനുള്ള സാധ്യതയുണ്ടെന്നാണ് കാലാവസ്ഥ വകുപ്പ് പറയുന്നത്. രണ്ട് ചക്രവാതച്ചുഴി ഒന്നിച്ച് നിലനില്ക്കുന്നതാണ് കേരളത്തിലെ മഴ സാഹചര്യം ശക്തമാക്കുന്നത്. വടക്ക് പടിഞ്ഞാറൻ മധ്യ പ്രദേശിന് മുകളിലായി ഒരു ചക്രവാതചുഴി സ്ഥിതി ചെയ്യുന്നുണ്ട്. മ്യാന്മാര് തീരത്തിനു സമീപം മധ്യ കിഴക്കൻ ബംഗാള് ഉള്ക്കടലിലും ചക്രവാതചുഴി സ്ഥിതിചെയ്യുന്നു.
അടുത്ത 72 മണിക്കൂറിനുള്ളില് ഈ ചക്രവാതചുഴി വടക്ക് പടിഞ്ഞാറൻ ബംഗാള് ഉള്ക്കടലില് ന്യുന മര്ദ്ദമായി ശക്തി പ്രാപിക്കാൻ സാധ്യതയുണ്ട്. ഈ സാഹചര്യത്തില് കേരളത്തില് അടുത്ത 5 ദിവസം മഴ തുടരാൻ സാധ്യതയെന്നാണ് കാലാവസ്ഥ വകുപ്പ് വ്യക്തമാക്കിയിട്ടുള്ളത്. ഇതില് തന്നെ സെപ്റ്റംബര് 11, 12 തീയതികളില് ഒറ്റപ്പെട്ട സ്ഥലങ്ങളില് ശക്തമായ മഴക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.
Whatsapp Group 1 | Whatsapp Group 2 |Telegram Group
![](https://i0.wp.com/thirdeyenewslive.com/storage/2021/06/oxiaug.jpg?fit=1600%2C1600&ssl=1)
അതേസമയം മഴ സാഹചര്യം ശക്തമായി തുടരുന്നതിനാല് കേരളത്തിലെ വിവിധ ജില്ലകളില് ഇന്നും നാളെയും യെല്ലോ അലര്ട്ട് പ്രഖ്യാപിച്ചിട്ടുണ്ട്. ഇന്ന് കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്.
അടുത്ത 5 ദിവസത്തില മഴ സാധ്യത പ്രവചനം
വിവിധ ജില്ലകളില് കേന്ദ്ര കാലാവസ്ഥ വകുപ്പ് മഞ്ഞ (Yellow) അലര്ട്ട് പ്രഖ്യാപിച്ചിരിക്കുന്നു.
11-09-2023: കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം
12-09-2023 : എറണാകുളം, ഇടുക്കി, മലപ്പുറം എന്നീ ജില്ലകളിലാണ് മഞ്ഞ അലര്ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.