പുതുപ്പള്ളിയിൽ കനത്ത മഴ; അകലക്കുന്നം മേഖലയിൽ മഴയിൽപ്പെട്ട് വോട്ടർമാർ; ബൂത്തുകളിൽ നീണ്ടനിര; പോളിങിനെ ബാധിക്കുമെന്ന് ആശങ്ക

കോട്ടയം: തെരഞ്ഞെടുപ്പ് പുരോഗമിക്കുന്നതിനിടെ പുതുപ്പള്ളിയിൽ കനത്ത മഴ.

അകലക്കുന്നം മേഖലയിൽ മഴയിൽപ്പെട്ട് വോട്ടർമാർ. ബൂത്തുകളിൽ നീണ്ടനിരയാണ്. പോളിങിനെ ബാധിക്കുമെന്ന് ആശങ്കയിലാണ് സ്ഥാനാർത്ഥികളും പ്രവർത്തകരും.

മഴയിൽ കയറി നിൽക്കാൻ സജീകരണങ്ങളൊന്നും ബൂത്തുകളിൽ ചെയ്തിട്ടില്ലെന്ന പരാതിയുമായി വോട്ടർമാർ

മൂന്നാഴ്ചത്തെ വാശിയേറിയ പ്രചാരണത്തിന് ശേഷമാണ് പുതുപ്പള്ളി ജനവിധി തേടുന്നത്. 90,281 സ്ത്രീകളും 86,132 പുരുഷന്മാരും 4 ട്രാൻസ്ജെൻഡറുകളും അടക്കം മണ്ഡലത്തില്‍ 1,76,417 വോട്ടര്‍മാരാണുള്ളത്.

വോട്ടെടുപ്പ് ഡ്യൂട്ടിക്കായി 872 ഉദ്യോഗസ്ഥരെയാണ് നിയോഗിച്ചിട്ടുള്ളത്. 182 ബൂത്തുകളാണ് മണ്ഡലത്തിലുള്ളത്. 182 പോളിങ് ബൂത്തുകളിലും വെബ്കാസ്റ്റിങ് ഏര്‍പ്പെടുത്തിയിട്ടുണ്ട്. പോളിങ് അവസാനിക്കുന്നതുവരെയുള്ള പോളിങ് ബൂത്തുകളിലെ നടപടികള്‍ കളക്‌ട്രേറ്റിലെ കണ്‍ട്രോള്‍ റൂമിലൂടെ തത്സമയം അറിയാം.