ഹാരോഡ്സിന്റെ മുൻ ഉടമയും, ശതകോടീശ്വരനുമായ മൊഹമ്മദ് അല്‍ ഫയദ് 94-ാം വയസ്സില്‍ മരണമടഞ്ഞു…
സ്വന്തം ലേഖകൻ
ഡയാന രാജകുമാരിയുമായി പ്രത്യേകം അടുപ്പം പുലര്‍ത്തിയിരുന്ന ശതകോടീശ്വരനായ ഈജിപ്ഷ്യൻ ബിസിനസ്സുകരൻ,മുഹമ്മദ് ഫയാദ് 94-ാം വയസ്സില്‍ മരണമടഞ്ഞു.മരിച്ചത് രാജകുമരിയുടെ കാമുകൻ ആയിരുന്ന മകൻ ദോദി ഫയാദും ഡയാനയും, കാറപകടത്തില്‍ മരണപ്പെട്ട ഏതാണ്ട് അതേ ദിവസം തന്നെ.1997 ഓഗസ്റ്റ് 31 ന് പാരീസില്‍ നടന്ന അപകടത്തില്‍, ഡയാന രാജകുമാരിക്കൊപ്പം മരണമടഞ്ഞ ദോദി ഫയാദിന്റെ പിതാവാണ് അദ്ദേഹം.നിരവധി വ്യത്യസ്തമായ വ്യവസായങ്ങള്‍ നടത്തിയിരുന്ന മൊഹമ്മദ് അല്‍ ഫയദ്,നേരത്തെ ഫുള്‍ഹാം പ്രീമിയര്‍ ലീഗ് ക്ലബ്ബിന്റെ ഉടമയുമായിരുന്നു.
അവർ പുറത്തിറക്കിയ പത്രക്കുറിപ്പിലൂടെ അല്‍ ഫയദിന്റെ കുടുംബാംഗങ്ങളാണ് അദ്ദേഹത്തിന്റെ മരണവാര്‍ത്ത സ്ഥിരീകരിച്ചത്.2023 ഓഗസ്റ്റ് 30 ആയിരുന്നു മരണം.മകൻ കാറപകടത്തില്‍ മരണപ്പെട്ട് 26 വര്‍ഷം പൂര്‍ത്തിയായ ദിവസം തന്നെ പിതാവും മരണപ്പെട്ടുവെന്നത് തികച്ചും യാദൃശ്ചികമായിരിക്കാം.ഒരിക്കൽ വില്യം രാജകുമാരനും, ഹാരിക്കിനുമൊപ്പം തന്റെ ആഡംബര നൗകയില്‍ വിരുന്നിനായി അദ്ദേഹം ഡയാനയെ ക്ഷണിച്ചിരുന്നു.അവിടെ വച്ചായിരുന്നു ഡയാന ദോദിയെ കണ്ടുമുട്ടുന്നതും അവര്‍ തമ്മില്‍ അടുക്കുന്നതും.അപകടശേഷം, സുരക്ഷാ ഉദ്യോഗസ്ഥരായിരുന്നു ദോദിയേയും ഡയാനയെയും വധിച്ചതെന്ന് അവരുടെ കുടുംബം ആരോപിച്ചിരുന്നു.
Whatsapp Group 1 | Whatsapp Group 2 |Telegram Group
ഈ ആരോപണത്തോടെ ഹാരോഡ്സിന് രാജകുടുംബത്തിന്റെ അംഗീകാരം നഷ്ടപ്പെടുകയായിരുന്നു.പിന്നീട് ബ്രിട്ടീഷ് ഉദ്യോഗസ്ഥരും ഫ്രഞ്ച് ഉദ്യോഗസ്ഥരും പ്രത്യേകമായി നടത്തിയ അന്വേഷണത്തില്‍ അതൊരു അപകടമാണെന്നായിരുന്നു തെളിഞ്ഞത്.ഈജിപ്തിലെ അലക്സാൻഡ്രിയയില്‍ 1929ല്‍ ആയിരുന്നു മൊഹമ്മദ് അല്‍ ഫയ്ദിന്റെ ജനനം.1954-ല്‍ സമീറ ഖഷോഗിയെ വിവാഹം ചെയ്ത അദ്ദേഹം പിന്നീട് ഭാര്യാസഹോദരനും ആയുധ വ്യാപാരിയുമായ അഡ്നാൻ ഖഷോഗിക്കൊപ്പം കുറച്ചു നാള്‍ ജോലി ചെയ്തു. പിന്നീടായിരുന്നു ഈഷിപ്തില്‍ സ്വന്തമായി ഒരു ഷിപ്പിങ് കമ്പനി തുടങ്ങിയത്.
ശേഷം 1979-ല്‍ പാരിസിലെ റിറ്റ്സ് ഹോട്ടല്‍ സ്വന്തമാക്കിയ അല്‍ ഫയദ്, തന്റെ സഹോദരനോട് ചേര്‍ന്ന് ഹൗസ് ഓഫ് ഫ്രേസറിലെ 30 ശതമാനം ഓഹരികളും കരസ്ഥമാക്കിയിരുന്നു.ഫോബ്സിന്റെ കണക്കുകള്‍ പ്രകാരം മരിക്കുന്ന സമയത്ത് അദ്ദേഹത്തിന്റെ ആസ്തി 1.3 ബില്യൻ പൗണ്ട് ആണ്.പാരിസിലെ റിറ്റ്സ് ഹോട്ടല്‍ വാങ്ങിയ സമയത്തായിരുന്നു തന്നെക്കാള്‍ 26 വയസ്സ് പ്രായക്കുറവുള്ള ഫിന്നിഷ് മോഡല്‍ ഹീനി വാല്ത്തനെ അല്‍ ഫയദ് കണ്ടുമുട്ടുന്നത്.പിന്നീട് ലണ്ടനിലെക്ക് മടങ്ങിയ ഇവര്‍ 1985-ല്‍ വിവാഹിതരായി.നാല് കുട്ടികളാണ് ഈ വിവാഹബന്ധത്തില്‍ ഉള്ളത്.
