ജനങ്ങള്‍ക്ക് വേണ്ടി അര്‍പ്പണ ബോധത്തോടെ പ്രവര്‍ത്തിച്ച നേതാവ്; രാഷ്ട്രീയത്തില്‍ തനിക്ക് പ്രചോദനമേകിയ വ്യക്തി; ഉമ്മന്‍ചാണ്ടി ഇല്ലായിരുന്നുവെങ്കില്‍ വിഴിഞ്ഞം തുറമുഖമടക്കമുള്ള വികസനം കേരളത്തിലുണ്ടാകുമായിരുന്നില്ല: ശശി തരൂര്‍

സ്വന്തം ലേഖിക

കോട്ടയം: മുൻ മുഖ്യമന്ത്രി ഉമ്മൻചാണ്ടിയുടെ വേര്‍പാട് തനിക്ക് വ്യക്തിപരമായും വലിയ നഷ്ടമാണെന്ന് ശശി തരൂര്‍ എംപി.

രാഷ്ട്രീയത്തില്‍ ഉമ്മൻചാണ്ടി തനിക്ക് പ്രചോദനമായിരുന്നു. ജനങ്ങള്‍ക്ക് വേണ്ടി ഇത്രയും അര്‍പ്പണ ബോധത്തോടെ പ്രവര്‍ത്തിച്ച നേതാവ് അപൂര്‍വമാണെന്നും തരൂര്‍ അനുസ്മരിച്ചു.

ഉമ്മൻചാണ്ടി ഇല്ലായിരുന്നുവെങ്കില്‍ വിഴിഞ്ഞം തുറമുഖം പോലുള്ള വികസനം കേരളത്തില്‍ സാധ്യമാകുമായിരുന്നില്ലെന്നും തരൂര്‍ ഡൽഹിയില്‍ പറഞ്ഞു.