സ്വന്തം ലേഖിക
തിരുവനന്തപുരം: അടുത്ത മൂന്ന് മണിക്കൂറില് സംസ്ഥാനത്തെ മൂന്ന് ജില്ലകളില് ഇടിമിന്നലോടു കൂടിയ മിതമായ മഴയ്ക്കും കാറ്റിനും സാദ്ധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
പത്തനംതിട്ട, ഇടുക്കി, മലപ്പുറം എന്നീ ജില്ലകളിലാണ് മഴയ്ക്ക് സാദ്ധ്യത. ഇവിടെ ഒറ്റപ്പെട്ടയിടങ്ങളില് മണിക്കൂറില് 40 കി.മീ വരെ വേഗതയില് വീശിയടിച്ചേക്കാവുന്ന കാറ്റിനും സാദ്ധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
Whatsapp Group 1 | Whatsapp Group 2 |Telegram Group
കേരള – കര്ണാടക തീരങ്ങളില് ഇന്നും (ജൂണ് നാല് ) ലക്ഷദ്വീപ് പ്രദേശത്ത് ഇന്ന് മുതല് ജൂണ് എട്ട് വരെയും മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഇന്ന് കേരള -കര്ണാടക തീരങ്ങളിലും ഇന്ന് മുതല് ജൂണ് എട്ട് വരെ ലക്ഷദ്വീപ് പ്രദേശത്തും മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്.
