വിജിലൻസിൽ ഡ്രൈവറുടെ ജോലി വാഗ്ദാനം ചെയ്ത് തട്ടിപ്പ് ..!! ഗൂഗിൾ പേ വഴി 70,000രൂപ വാങ്ങി ..!! ഗുരുവായൂർ ദേവസ്വത്തിലും ജോലി നൽകാമെന്ന് പറഞ്ഞ് പറ്റിച്ചത് നിരവധിപേരെ; കോട്ടയം കറുകച്ചാൽ സ്റ്റേഷനിൽ വിവാഹതട്ടിപ്പിന്റെ പേരിലുള്ള പരാതി വേറെയും..!! യുവതി പിടിയിൽ

സ്വന്തം ലേഖകൻ

പാലക്കാട്: വിജിലൻസിൽ ഡ്രൈവറുടെ ജോലി വാഗ്ദാനം ചെയ്ത് തട്ടിപ്പ് നടത്തിയ കേസ്സിൽ യുവതി അറസ്റ്റിൽ. പാലക്കാട് ആലത്തൂർ സ്വദേശി രേഷ്മ രാജൻ (26) ആണ് പിടിയിലായത്.

ഡ്രൈവറുടെ ജോലി ശരിയാക്കിത്തരാം എന്ന് പറഞ്ഞ് 70,000രൂപ വാങ്ങി പറ്റിച്ച കേസിലാണ് യുവതി പൊലീസ് പിടിയിലായത്.

ചാവക്കാട് സ്വദേശിയായ ശ്രീദത്ത് എന്നയാളിൽ നിന്നും 34,000 രൂപയും ബ്രഹ്മകുളം സ്വദേശിയായ ആഷിക്ക് എന്നയാളിൽ നിന്നും 36,000 രൂപയും രേഷ്മ ഗൂ ഗിൾ പേ വഴി കൈപ്പറ്റി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

ഇതിനുപുറമേ ഗുരുവായൂർ ദേവസ്വത്തിൽ ജോലി ശരിയാക്കി തരാമെന്ന് പറഞ്ഞ് പണം വാങ്ങി തട്ടിപ്പ് നടത്തിയതിനും കേസുണ്ടെന്ന് പൊലീസ് പറഞ്ഞു.