തിരുവനന്തപുരം മെഡിക്കല്‍ കോളേജില്‍ വനിതാ നഴ്സിംഗ് അസിസ്റ്ററ്റിനെ ഡോക്ടര്‍ ഓപ്പറേഷന്‍ തിയേറ്ററില്‍ വെച്ച്‌ ചവിട്ടിയെന്ന് പരാതി; ജീവനക്കാര്‍ സൂപ്രണ്ട് ഓഫീസിന് മുന്നില്‍ പ്രതിഷേധിച്ചു

സ്വന്തം ലേഖിക

തിരുവനന്തപുരം: തിരുവനന്തപുരം മെഡിക്കല്‍ കോളേജില്‍ ഡോക്ടര്‍ നഴ്സിംഗ് അസിസ്റ്ററ്റിനെ ചവിട്ടിയതായി പരാതി.

ഓര്‍ത്തോ ഡോക്ടര്‍ ഡോ. പ്രമോദിനെതിരെയാണ് പരാതി നല്‍കിയിരിക്കുന്നത്. സംഭവത്തിന് പിന്നാലെ ജീവനക്കാര്‍ സൂപ്രണ്ട് ഓഫീസിന് മുന്നില്‍ പ്രതിഷേധിച്ചു.

ഓപ്പറേഷന്‍ തിയറ്ററില്‍ വച്ച്‌ ചവിട്ടിയെന്നാണ് പരാതിയില്‍ പറയുന്നത്.

വനിത ജീവനക്കാരിയെയാണ് ഓര്‍ത്തോ ഡോക്ടര്‍ ചവിട്ടിയത്.

ട്രോളി കൊണ്ട് പോയപ്പോള്‍ ഡോക്ടറുടെ സര്‍ജിക്കല്‍ ടേബിളില്‍ തട്ടി എന്ന് കാട്ടിയായിരുന്നു ചവിട്ടിയത്. എന്നാല്‍ ഒത്തുതീര്‍പ്പ് ചര്‍ച്ചകള്‍കൊടുവില്‍ പരാതി പിന്‍വലിച്ചു.