കോട്ടയം കുമാരനല്ലൂരിൽ തെങ്ങ് വെട്ടുന്നതിനിടെ അപകടം; തെങ്ങ് മറിഞ്ഞ് വീണ് വേളൂർ സ്വദേശിയായ യുവാവിന് ദാരുണാന്ത്യം

സ്വന്തം ലേഖിക

കോട്ടയം: കുമാരനല്ലൂർ എസ്എച്ച് മൗണ്ടിൽ തെങ്ങ് വെട്ടുന്നതിനിടെ തെങ്ങ് മറിഞ്ഞു ദേഹത്ത് വീണ് യുവാവിന് ദാരുണാന്ത്യം.

വേളൂർ പപ്പനാൽ പരേതനായ ചാക്കോയുടെ മകൻ ഷിനു പി(34) ആണ് മരിച്ചത്. ഇന്ന് വൈകിട്ടോടെയായിരുന്നു അപകടം.

പുരയിടത്തിൽ തെങ്ങ് വെട്ടുന്നതിനിടെ തെങ്ങ് മറിഞ്ഞു ഷിനുവിൻ്റെ ദേഹത്തേക്ക് വീഴുകയായിരുന്നു. തെങ്ങിനടിയിൽ പെട്ടുപോയ ഷിനുവിനെ ഉടൻ തന്നെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.

മൃതദേഹം മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.