മെസിയുടെ കയ്യൊപ്പ് പതിച്ച ജേഴ്സി മുഖ്യമന്ത്രിക്ക്; ബൈജൂസ് ആപ്പ് വൈസ് പ്രസിഡന്റ് ജേഴ്സി കൈമാറിയത് മുഖ്യമന്ത്രിയുടെ ചേംബറിലെത്തി

സ്വന്തം ലേഖിക

തിരുവനന്തപുരം: ഫുട്ബോള്‍ ഇതിഹാസം ലയണല്‍ മെസിയുടെ കൈയ്യൊപ്പ് പതിച്ച ജേഴ്സി മുഖ്യമന്ത്രി പിണറായി വിജയന് കൈമാറി.

ബൈജൂസ് ആപ്പ് വൈസ് പ്രസിഡന്റ് ജയദേവ് ഗോപാലകൃഷ്ണന്‍ മുഖ്യമന്ത്രിയുടെ ചേംബറിലെത്തിയാണ് ജേഴ്‌സി കൈമാറിയത്.

ബൈജൂസിന്റെ എഡ്യൂക്കേഷന്‍ ഫോര്‍ ഓള്‍ എന്ന സാമൂഹിക പ്രതിബദ്ധതാ പരിപാടിയുടെ അംബാസഡറാണ് മെസി.

ലോകകപ്പ് ഫൈനലില്‍ ഫ്രാന്‍സിനെ ഷൂട്ടൗട്ടില്‍ തകര്‍ത്താണ് മെസിയും കൂട്ടരും കപ്പുയര്‍ത്തിയത്.

36 വര്‍ഷത്തിന് ശേഷമാണ് അര്‍ജന്റീനയുടെ കീരീട നേട്ടം.