തിരുവനന്തപുരം പൂവച്ചലിൽ മൂന്നാം ക്ലാസ് വിദ്യാർത്ഥിയെ സിമന്റ് ലോറിയിടിച്ചു ; വിദ്യാര്‍ത്ഥിയുടെ ശരീരത്തിലൂടെ ലോറി കയറിയിറങ്ങി; ഗുരുതരമായി പരുക്കേറ്റ കുട്ടി മെഡിക്കൽ കോളേജിൽ ചികിത്സയിൽ; ലോറി പൊലീസ് കസ്റ്റഡിലെടുത്തു

തിരുവനന്തപുരം: പൂവച്ചലില്‍ മൂന്നാം ക്ലാസ് വിദ്യാര്‍ത്ഥിയെ സിമന്റ് ലോറിയിടിച്ചു. വിദ്യാര്‍ത്ഥിയുടെ ശരീരത്തിലൂടെ ലോറി കയറി ഇറങ്ങുകയായിരുന്നു.

പൂവച്ചല്‍ യുപി സ്‌കൂളിലെ മൂന്നാം ക്ലാസ് വിദ്യാര്‍ത്ഥി ഇമ്മാനുവലിനാണ് പരുക്കേറ്റത്. സ്‌കൂളിന് മുന്നിലായിരുന്നു അപകടം. ഇന്ന് രാവിലെ 8.45ഓടെയായിരുന്നു അപകടം.

ഗുരുതരമായി പരുക്കേറ്റ വിദ്യാര്‍ത്ഥിയെ മെഡിക്കല്‍ കോളേജ് ആശുപത്രിയിലേക്ക് മാറ്റി. സിമന്റ് കയറ്റി വന്ന ലോറി പൊലീസ് കസ്റ്റഡിയില്‍ എടുത്തു.