മാന്നാർ കോയിക്കൽ ജംഗ്ഷനു സമീപം ബൈക്കുകൾ കൂട്ടിയിടിച്ച് അപകടം: രണ്ട് പേർ മരിച്ചു; ഒരാൾക്ക് പരിക്ക്

മാന്നാർ: കോയിക്കൽ ജംഗ്ഷനു സമീപം ബൈക്കുകൾ കുട്ടിയിടിച്ചുണ്ടായ അപകടത്തിൽ രണ്ട് പേർ മരിച്ചു.
ഒരാൾക്ക് ഗുരുതരമായി പരിക്കേറ്റു.

ചെന്നിത്തല വള്ളാം കടവ് കിളയ്ക്കാടം കുറ്റിയിൽ സുധീഷ് (23), തലവടി സ്വദേശി ശ്യാംകുമാർ ( 40 ) എന്നിവരാണ് മരിച്ചത്. ചെന്നിത്തല തെങ്ങുതറ കിഴക്കേതിൽ നവീൻ (25) ആണ് പരിക്കേറ്റത്. നവീൻ തീവ്രപരിചരണ വിഭാഗത്തിലാണ്.

ഇന്നലെ രാത്രി 10 മണിയോടെ കോയിക്കൽ ജംഗ്ഷന് തെക്കാണ് അപകടം. ഉടൻ തന്നെ പരുമലയിലെ സ്വകാര്യ ആശുപത്രിയിൽ എത്തിച്ചെങ്കിലും സുധീഷിൻ്റേയും ശ്യാംകുമാറിൻ്റേയും ജീവൻ രക്ഷിക്കാനായില്ല.