ന്യൂസിലാൻഡിനെതിരായ ചതുർദിന പരമ്പരയിൽ നിന്ന് പേസർ പ്രസിദ്ധ് കൃഷ്ണയെ ഒഴിവാക്കി. പരിക്ക് കാരണമാണ് താരത്തെ പുറത്താക്കിയത്. ഇന്നലെ ആരംഭിച്ച ആദ്യ മത്സരത്തിൽ അദ്ദേഹം കളിച്ചില്ല. പ്രസിദ്ധിന് ഇതുവരെ പകരക്കാരനെ പ്രഖ്യാപിച്ചിട്ടില്ല.
ആദ്യ ദിനം കളി അവസാനിക്കുമ്പോൾ ന്യൂസിലൻഡ് എ അഞ്ച് വിക്കറ്റ് നഷ്ടത്തിൽ 187 റൺസെന്ന നിലയിലാണ്. 93 റൺസെടുത്ത് പുറത്താകാതെ നിന്ന ജോ കാർട്ടറാണ് ന്യൂസിലൻഡ് എ നിരയിൽ തിളങ്ങിയത്. ഇന്ത്യ എ ടീമിനു വേണ്ടി ബംഗാളിന്റെ മുകേഷ് കുമാർ മൂന്ന് വിക്കറ്റ് വീഴ്ത്തി.
