മുതിര്‍ന്ന പൗരന്മാര്‍ക്കായുള്ള സുരക്ഷാ നിര്‍ദ്ദേശങ്ങൾ പുറത്തിറക്കി കോട്ടയം ജില്ലാ പൊലീസ്
സ്വന്തം ലേഖകൻ
മുതിര്‍ന്ന പൗരന്മാര്‍ക്കായുള്ള സുരക്ഷാ നിര്‍ദ്ദേശങ്ങൾ
—————————————————-
• മുതിർന്ന പൗരൻമാർ കഴിവതും കുടുംബത്തോടൊപ്പം താമസിക്കുക
• പോലീസ് സ്റ്റേഷൻ, ബന്ധുക്കൾ, അയൽവീട്ടുകാർ എന്നിവരുടെ ഫോൺ നമ്പറുകൾ
പെട്ടന്ന് കാണത്തക്ക വിധം ബെഡ്റൂമിൽ എഴുതി വെക്കുക.
• രാത്രികാലങ്ങളില്‍ ഫോൺ, എമർജൻസി ലൈറ്റ്, ടോർച്ച് ലൈറ്റ് എന്നിവ ബെഡ്ഡിനടുത്ത് സൂക്ഷിക്കുക.
• രാത്രി കിടക്കുന്നതിന് മുമ്പ് ജനലുകളും വാതിലുകളും ഭദ്രമായി അടക്കുക.
• വീട്ടിനുള്ളിൽ തന്നെ ബാത്ത്റൂം ക്രമീകരിക്കുവാൻ ശ്രദ്ധിക്കുക. രാത്രി കാലങ്ങളിൽ ബാത്ത്റൂമിൽ പോകാനായി പുറത്തിറങ്ങേണ്ട സാഹചര്യം ഒഴിവാക്കാനാകും.
• പകൽ സമയത്തും രാത്രിയിലും അപരിചിതർ വീട്ടിൽ വന്നാൽ ജനലിൽ കുടിയോ ഡോർലെൻസിൽ കുടിയോ മറ്റോ നോക്കി ആളെ തിരിച്ചറിഞ്ഞ് മാത്രം വാതില്‍ തുറക്കുക.
• മുൻ വശത്തെ വാതിലിൽ പിപ് ഹോൾ, സേഫ്റ്റിചെയിൻ എന്നിവ ഘടിപ്പിക്കുക.
• അപരിചിതർ ആരെങ്കിലും വിട്ടുപരിസരത്ത് കറങ്ങി നടക്കുന്നത് ശ്രദ്ധയിൽ പെട്ടാൽ അത് പോലീസിന്റെയോ അയൽക്കാരുടേയോ ശ്രദ്ധയിപെടുത്തുക.
• ദൂരയാത്ര പോകുമ്പോള്‍ സൂഹൃത്തായ അയല്‍വാസിയേയും, പോലീസിനെയും അറിയിക്കുക. പാൽ, പത്രം എന്നിവ നിങ്ങള്‍ തിരിച്ച് വരും വരെ നിര്‍ത്തുക.
• വീട്ടിലേക്ക് ചാഞ്ഞുകിടക്കുന്ന മരച്ചില്ലകൾ മുറിച്ച് മാറ്റുക
• വീടിന്റെ താക്കോൽ നഷ്ടപ്പെട്ടാൽ പുട്ട് മാറ്റി പുതിയത് ഘടിപ്പിക്കുക. അധികമുള്ള താക്കോൽ സുരഷിതമായി സൂക്ഷിക്കുക. വീടിന്റെ മുൻവശവും പിൻവശവും ഗ്രിൽസ് പിടിപ്പിക്കുക.
• അയൽവീടുകളുമായി ബന്ധിച്ച് ഇലക്ട്രോണിക് അലാറം സ്ഥാപിക്കുക. അടുക്കളഭാഗത്ത് ജോലി ചെയ്യുമ്പോൾ മുൻവശത്തെ വാതിൽ അടച്ചിടുക
• സെയിൽസ്മാൻമാർ, വിട്ടിലും പറമ്പിലും ജോലിക്കായി വരുന്നവർ അഡ്രസ്സ് ചോദിച്ച് വരുന്നവർ, ഉപകരണങ്ങൾ റിപ്പയർ ചെയ്യാൻ വരുന്നവർ എന്നിവരെ ശ്രദ്ധിക്കുക.
• യാചകരേയും, ആക്രിസാധനങ്ങള്‍ ശേഖരിക്കാന്‍ വരുന്നവരേയും, മറ്റ് കച്ചവടക്കാരേയും വീടിനുള്ളില്‍ പ്രവേശിപ്പിക്കരുത്.
• ബന്ധുക്കളോ വിരുന്നുകാരോ വിട്ടിൽ താമസിക്കുകയാണെങ്കിൽ ആ വിവരം അയൽ
വാസികളേയും മറ്റ് ബന്ധുക്കളേയും അറിയിക്കുക
• പണമോ, സ്വര്‍ണ്ണമോ മറ്റ് വിലപിടിച്ച വസ്തുക്കളോ ജനലരികിലോ, പുറത്തോ അലക്ഷ്യമായി വെയ്ക്കരുത്.
• വീടിന് വെളിയില്‍ ആയുധങ്ങള്‍, കമ്പി, കോണി മുതലായവ അശ്രദ്ധമായി ഇടരുത്
• വീട്ടില്‍ ആളില്ലാത്ത സമയങ്ങളില്‍ പകല്‍ സമയത്ത് ലൈറ്റുകള്‍ കത്തിച്ചിടരുത്.
Whatsapp Group 1 | Whatsapp Group 2 |Telegram Group
• പകല്‍ സമയത്ത് പോലും വീടിന്റെ മുന്നിലെയും, പിന്നിലെയും വാതിലുകള്‍ അശ്രദ്ധമായി തുറന്നിടരുത്.
• ലോക്കൽ പോലീസുമായോ മറ്റ് ഓഫീസർമാരുമായോ നിരന്തരമായ ബന്ധം പുലർത്തുക
• എന്തെങ്കിലും സഹായം ആവശ്യമുണ്ടെങ്കിൽ പോലീസ് സ്റ്റേഷനുമായി ബന്ധപ്പെടുക
കൺട്രോൾ റൂം നമ്പർ 112 ആണെന്ന് ഓർത്തു വയ്ക്കുക.
• സ്ഥിരമായി ഉപയോഗിച്ചുകൊണ്ടിരിക്കുന്ന മരുന്നുകളുടെ ചികിത്സാ രേഖകളും മരുന്ന് വിവരങ്ങളും ഡോക്ടറുടെ വിശദാംശങ്ങളും എളുപ്പം കാണാവുന്ന/എടുക്കാവുന്ന സ്ഥലത്ത് വയ്ക്കുക
• എമർജൻസി നമ്പരുകൾ ഫോണിലെ സ്പീഡ് ഡയൽ സംവിധാനത്തിൽ സെറ്റ് ചെയ്യുക
• വീടുകളില്‍ ആവശ്യമെങ്കില്‍ കോസ്ഡ് സര്‍ക്യൂട്ടി ക്യാമറ (CCTV) ഘടിപ്പിക്കുക.
• ഹോം നേഴ്സ്/വേലക്കാരുടെ ഫോട്ടോ ഉള്‍പ്പെടെയുള്ള പൂര്‍ണ്ണ വിവരങ്ങള്‍ അടുത്തുള്ള പോലീസ് സ്റ്റേഷനില്‍ അറിയിക്കേണ്ടതും, ഒരു കോപ്പി സൂക്ഷിക്കേണ്ടതുമാണ്.
• വിലപിടിപ്പുള്ള വസ്തുക്കള്‍ സൂക്ഷിച്ച അലമാരകളും, രേഖകളും വീട്ടു ജോലിക്കാരെ കൊണ്ട് കൈകാര്യം ചെയ്യിപ്പിക്കാതിരിക്കുക.
• അന്യനാട്ടുകാരേയും, സെക്യൂരിറ്റി ജീവനക്കാരെയും യഥാര്‍ത്ഥ പേരും, മുന്‍കാല ചരിത്രവും മനസ്സിലാക്കാതെ വീട്ടു ജോലിക്ക് നിയമിക്കരുത്.
o• അപരിചിതരുമായി സാമ്പത്തിക ഇടപാടുകള്‍ നടത്തുമ്പോള്‍ പോലീസ് സേവനം ഉറപ്പാക്കുക
• സ്വത്ത്, ബാങ്ക് ബാലന്‍സ്, ബോണ്ട്, ഷെയേഴ്സ്, ആഭരണങ്ങള്‍ എന്നിവയെക്കുറിച്ചുള്ള വിവരങ്ങള്‍ അന്യര്‍ക്ക് നല്‍കാതിരിക്കുക.
• മുദ്രപ്പത്രങ്ങള്‍, ആധാരം, വിലപിടിപ്പുള്ള രേഖകള്‍ എന്നിവയില്‍ ഒപ്പിടേണ്ടി വരുമ്പോള്‍ വിദഗ്ദോപദേശം തേടുക. ഒരു കടലാസിലും പൂര്‍ണ്ണമായി ബോധ്യമാകാതെ ഒപ്പ് വയ്ക്കരുത്.
• കുടുംബരഹസ്യങ്ങളും, സാമ്പത്തിക വിവരങ്ങളും ATM കാര്‍ഡ് വിവരങ്ങളും അന്യരോട് പങ്ക് വയ്ക്കരുത്
• അപരിചിതരോട് ചങ്ങാത്തം കൂടരുത്. അവര്‍ തരുന്ന ഭക്ഷണം കഴിക്കരുത്
• പ്രഭാതസവാരിക്ക് പോകുമ്പോള്‍ ഒറ്റയ്ക്ക് പോകാതെ കഴിവതും ഗ്രൂപ്പായി പോകുക.
• യാത്രയില്‍ ഫോട്ടോ പതിച്ച ഐഡന്റിറ്റി കാര്‍ഡ് കൈവശം സൂക്ഷിക്കുക. ആവശ്യത്തിനുള്ള പണം മാത്രം എടുക്കുക. സ്ത്രീകള്‍ ആവശ്യത്തിന് മാത്രം ആഭരണങ്ങള്‍ അണിയുക
• അപരിചിതരുമായി ഇന്റര്‍നെറ്റ് ബന്ധം പുലര്‍ത്തുന്നതും, വ്യക്തിഗതവിവരങ്ങള്‍ വെളിപ്പെടുത്തുന്നതും ഒഴിവാക്കേണ്ടതാണ്.
• മുതിര്‍ന്ന പൗരന്മാരെ സംരക്ഷിക്കേണ്ട മക്കളോ, ബന്ധുക്കളോ അവഗണിക്കുകയോ, ഉപേക്ഷിക്കുകയോ ചെയ്താല്‍ ഉടന്‍ പോലീസില്‍ വിവരം അറിയിക്കുക
