കോട്ടയം അതിരമ്പുഴയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് ​ഗർഭിണിയാക്കിയ കേസ്; പ്രതിയായ യുവാവിനെ കോടതി വെറുതെ വിട്ടു

സ്വന്തം ലേഖകൻ

കോട്ടയം: അതിരമ്പുഴയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് ഗർഭിണിയാക്കിയെന്ന കേസിൽ പ്രതിചേർത്ത യുവാവിനെ കോടതി വിട്ടയച്ചു.

അതിരമ്പുഴ ഓണംതുരുത്ത് പടിഞ്ഞാറ്റുഭാഗം സിബി ആന്റണിയെ (43)യെയാണ് കോടതി വിട്ടയച്ചത്. 2017 ൽ രജിസ്റ്റർ ചെയ്ത കേസിലാണ് ഇപ്പോൾ പ്രതിയെ വിട്ടയച്ച് കോട്ടയം ഫാസ്ട്രാക്ക് ജഡ്ജി റിറ്റി ജോർജ് വിധി പ്രഖ്യാപിച്ചത്.

അതിരമ്പുഴ സ്വദേശിയായ പതിനേഴുകാരിയെ പ്രതിസ്ഥാനത്തുണ്ടായിരുന്നയാൾ പ്രണയം നടിച്ച് പീഡിപ്പിച്ച് ഗർഭിണിയാക്കുകയായിരുന്നുവെന്നാണ് പ്രോസിക്യൂഷൻ കേസ്.

തുടർന്ന് കേസ് കോടതിയിലെത്തിയപ്പോൾ തെളിവുകളുടെ അഭാവത്തിൽ ഇയാളെ വിട്ടയക്കുകയായിരുന്നു. പ്രതിഭാഗത്തിന് വേണ്ടി അഡ്വ.വിവേക് മാത്യു വർക്കി, അഡ്വ.വരുൺ ശശി, അഡ്വ.അജയകുമാർ, അഡ്വ.കെ.എസ് ആസിഫ് എന്നിവർ കോടതിയിൽ ഹാജരായി.