സ്വന്തം ലേഖകൻ
ദുബായ്: നടിയെ പീഡിപ്പിച്ച കേസില് ദുബായില് ഒളിവില്ക്കഴിയുന്ന നടനും നിര്മാതാവുമായ വിജയ് ബാബുവിനെ നാട്ടിലെത്തിക്കാനുള്ള പോലീസ് നീക്കത്തിന് തിരിച്ചടി.
പോലീസിന്റെ അപേക്ഷയെത്തുടര്ന്ന് ഇയാള്ക്കായി ഇന്റര്പോള് ബ്ളൂ കോര്ണര് നോട്ടീസ് പുറപ്പെടുവിച്ചിരുന്നു. എന്നാൽ ഇതുവരെ യുഎഇയില് നിന്ന് കൊച്ചി പോലീസിന് മറുപടിയൊന്നും ലഭിച്ചിട്ടില്ല.
Whatsapp Group 1 | Whatsapp Group 2 |Telegram Group
വിജയ് ബാബു അവിടെ എത്തിയ കാര്യം യുഎഇ എംബസിയിലും പോലീസ് അറിയിച്ചിട്ടുണ്ട്.
ഇയാളുടെ മേല്വിലാസം കിട്ടിയാല് മാത്രമേ അടുത്തപടിയായ റെഡ്കോര്ണര് നോട്ടീസ് പുറത്തിറക്കാനാകൂ. റെഡ്കോര്ണര് നോട്ടീസ് പുറപ്പെടുവിച്ചാല് ബന്ധപ്പെട്ടയാളെ നാട്ടിലേക്ക് കയറ്റി അയക്കാന് അവിടുത്തെ പോലീസ് നിര്ബന്ധിതരാകും.
മേല്വിലാസം കിട്ടാത്തതിനാൽ വഴിയും അടഞ്ഞിരിക്കുകയാണ്.
അതേസമയം, പീഡനക്കേസില് അന്വേഷണം ഏറക്കുറെ പൂര്ത്തിയായതായി സിറ്റി പോലീസ് കമ്മീഷണര് സിഎച്ച് നാഗരാജു വ്യക്തമാക്കി. മുപ്പതോളം പേരുടെ മൊഴി രേഖപ്പെടുത്തിയിട്ടുണ്ട്.
പരാതി ഒതുക്കിത്തീര്ക്കാന് പ്രതി രഹസ്യമായി ശ്രമിച്ചതായുള്ള വിവരമില്ലെന്നും കമ്മീഷണര് വ്യക്തമാക്കി. വിജയ് ബാബുവിനെക്കുറിച്ചുള്ള കൂടുതല് വിവരങ്ങള് രണ്ടുദിവസത്തിനകം ലഭിക്കുമെന്നാണ് പ്രതീക്ഷയെന്നും ഇദ്ദേഹം പറഞ്ഞു.
